Misteri i hepatitit tek fëmijët që po i “mundon” mjekët në Britani
Autori: Gazeta inFokus 17:48 | 08 May 2022
Zyrtarët shëndetësorë në Mbretërinë e Bashkuar thonë se nuk janë ende të qartë për shkakun e rritjes së inflamacionit të mëlçisë, ose hepatitit, te fëmijët.
Mendohet se një adenovirus i zakonshëm është shkaktari, por mundësi të tjera janë ende duke u hetuar.
Në Mbretërinë e Bashkuar, tani janë identifikuar 163 raste dhe 11 fëmijë kanë marrë transplantim të mëlçisë.
Rastet janë zbuluar në 20 vende të botës dhe rreth 300 fëmijë janë prekur. Është raportuar se një fëmijë ka ndërruar jetë si pasojë e hepatitit.
“Është e rëndësishme që prindërit të dinë se gjasat që fëmija i tyre të zhvillojë hepatit është jashtëzakonisht i ulët,” tha Dr Meera Chand, nga Agjencia e Sigurisë Shëndetësore në Mbretërinë e Bashkuar (UKHSA).
Ajo tha se prindërit duhet të jenë ende vigjilentë ndaj shenjave, veçanërisht verdhëzën, një nuancë të verdhë në të bardhët e syve dhe ata duhet të kontaktojnë një mjek nëse janë të shqetësuar.
Që nga java e kaluar, janë identifikuar 18 fëmijë të tjerë në Mbretërinë e Bashkuar me hepatit.
Simptomat më të zakonshme të fëmijëve ishin verdhëza dhe të vjellat dhe shumica kanë qenë nën pesë vjeç.
Raporti i fundit i UKHSA për rastet thotë se ka “një reduktim të dukshëm në rastet e konfirmuara në dy javët e fundit në përgjithësi në Mbretërinë e Bashkuar”.
Ajo që i shqetëson shkencëtarët është se shkaku më i mundshëm, adenovirusi, normalisht nuk i bën fëmijët të sëmurë rëndë. I transmetuar nga personi në person nëpërmjet kollitjes dhe teshtitjes, mund të shkaktojë ftohje, të vjella dhe diarre.
Megjithatë, është shumë e pazakontë që adenovirusi të jetë shkaktar i hepatitit të rëndë te fëmijët të shëndetshëm, por ai ka qarkulluar në nivele të larta që nga fillimi i vitit pasi praktikisht u zhduk gjatë pandemisë.
Analiza gjenetike e mostrave nga disa fëmijë ka gjetur një lloj virusi të quajtur AAV-2 – por zakonisht nuk shkakton sëmundje, thotë raporti.
Shkencëtarët po vëzhgojnë gjithashtu një lloj tjetër adenovirusi, të quajtur F41.
“Hetimet tona vazhdojnë të sugjerojnë se ka një lidhje me adenovirusin dhe studimet tona tani po e testojnë këtë lidhje me rigorozitet,” tha Dr Chand.
“Ne po hetojmë edhe kontribuues të tjerë.”
Këto përfshijnë nëse është zhvilluar një variant i ri i adenovirusit që po i bën fëmijët më të sëmurë, ose nëse një infeksion i mëparshëm, si Covid, mund të jetë një faktor.
Një mundësi tjetër është që pandemia, duke vonuar ekspozimin e fëmijëve të vegjël ndaj një numri virusesh të ndryshme për shkak të përzierjes së reduktuar shoqërore, mund t’i ketë bërë ata më të prirur për t’u sëmurur.
Zyrtarët shëndetësorë po eksplorojnë gjithashtu nëse mund të ketë një lidhje me qentë. Një numër familjesh të prekura thanë se kishin qen ose kishin rënë në kontakt me ta, por UKHSA gjithashtu pranon se të kesh një qen në shtëpi është e zakonshme në Mbretërinë e Bashkuar.
UKHSA thotë se nuk ka asnjë provë për ndonjë lidhje me vaksinën Covid-19, sepse shumica e fëmijëve me hepatit ishin shumë të vegjël për ta marrë atë.
Të tjera
-
Zakharova: NATO po furnizon Kosovën me armë dhe po ndërton ushtri kundër Rezolutës 1244
Zëdhënësja e Ministrisë së Punëve të Jashtme ruse, Maria Zakharova, deklaroi ...
-
Presidentja Osmani në Samitin e SEECP në Shkup, Serbinë e përfaqëson Ministri i Jashtëm Marko Gjuriq
Presidentja e Kosovës, Vjosa Osmani, sot ka marrë pjesë në samitin SEECP të m...
-
Limaj: Haradinajn e lanë mbrapa se s’mund ta kenë përballë e t’i shesin heroizëm
Kreu i NISMA-s, Fatmir Limaj, në një intervistë për FRONTAL të T7 ka folur pë...
-
Policia aksion në Zubin-Potok: Arrestohet një person dhe konfiskohen a*më
Ministri i Brendshëm, Xhelal Sveçla, ka bërë të ditur se Policia e Kosovës ka...
-
Gjykata e Prishtinës shqipton 38 vjet burgim ndaj tre të akuzuarve dhe të miturit për vra*je të rëndë
Gjykata Themelore e Prishtinës ka vendosur për çështjen penale ndaj të akuzua...
-
Mbledhja e sotme e Qeverisë, këto janë vendimet e marra
Qeveria e Republikës së Kosovës ka zhvilluar mbledhjen e rregullt në të cilën...
-
Parandalohet një rast i kontrabandës me mallra në vlerë mbi 10 mijë euro
Policia në bashkëpunim me Doganën e Kosovës kanë parandaluar një rast të kont...
-
Prokuroria Speciale ndalon dy persona për 48 orë, ja për çka po dyshohen
Prokuroria Speciale e Republikës së Kosovës, ka ndaluar sot dy të pandehur pë...
-
Kurti pret në Qeveri Walkerin, rithekson mirënjohjen për mikun e madh të Kosovës
Në shënim të 25-vjetorit të çlirimit të vendit, Kryeministri i Republikës së ...
-
Samiti i SEECP në Shkup, Osmani takohet me Siljanovskan, flasin për thellim të bashkëpunimit
Presidentja Vjosa Osmani është takuar me presidenten e Maqedonisë së Veriut, ...
-
Qytetari nga Podujeva që vdiq gjatë haxhit do të varroset sot në varrezat e Mekës
Bashkësia Islame e Kosovës ka njoftuar se haxhi Muharrem Gashi, nga Podujeva,...
-
Hovenier: Do ta ndihmojmë Kosovën të mbrohet nga sulmet kibernetike dhe informatat e rreme
Ambasadori i SHBA-së në Kosovë, Jeffrey Hovenier, ka thënë se Amerika është e...