Lajme

PSD:Arrestimi i aktivistëve të PSD-së është veprim antidemokratik

Autori: Gazeta inFokus 16:24 | 14 Shkurt 2022

Partia Social Demokrate sot ka hyrë në zyrat e Zyrës së Rregullatorit të Energjisë pas vendimit për shtrenjtimin e energjisë elektrike, shkruan Gazeta Infokus.

Mirëpo ky veprim i tyre përfundoi në arrestimin e kryetarit të kësaj partie, Dardan Molliqajt, por edhe të aktivistëve të saj.

Pas arrestimit të tyre kjo parti ka dalur me një reagim ku thuhet se arrestimi i aktivistëve është një veprim antidemokratik.

-Advertisement-

Përmes një postimi në rrjetin social ‘Facebook’, ata thanë se protesta e tyre sot pranë zyrave të ZRRE-së, kishte për qëllim vetëm një qëllim e që ishte që vendimi përmes së cilit është bërë rritja enorme e faturave të energjisë elektrike të bëhej publike.

“Përderisa çmimin e lartë e të papërballueshëm për shumicën e qytetarëve të Kosovës na e kanë treguar menjëherë, shumë prej çështjeve dhe rrethanave që lidhen me këtë vendim qëndrojnë të panjohura, përfshirë këtu edhe vet vendimin. Protesta jonë e sotme ishte kërkesë për transparencë. Kjo mungesë transparence po minon çdo mundësi që t’i kundërvihemi padrejtësisë sociale të tarifave të reja të energjisë. Për më tepër, mospublikimi i këtij vendimi bie ndesh edhe me legjislacionin në fuqi”, thuhet në reagimin e tyre.

Po ashtu në këtë reagim thuhet se PSD kërkon lirimin e menjëhershëm të aktivistëve të saj, përfshirë edhe Kryetarin e kësaj partie, Dardan Molliqaj.

Sipas tyre, arrestimi i aktivistëve përbën një veprim që kundërshton të drejtën për të protestuar dhe kërkuar që vendimet që na prekin të gjithëve të mos qëndrojnë të fshehura publiku.

“Përdorimi i dhunës së shtetit në shërbim të fshehjes së dokumenteve publike është një tregues i natyrës së pushtetit që sot është vendosur në vend. Kjo çështje na prek të gjithëve e sidomos ata që kanë pak. Andaj edhe kundërshtimi është i drejtë”, thuhet tutje në reagimin e PSD./Gazeta Infokus/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy