Ka përfunduar takimi në mes të Komisionit për Mbikëqyrjen e Agjencisë së Kosovës për Inteligjencë dhe Komisionit për Sigurinë Kombëtare të Kuvendit të Shqipërisë.

Kryetarja e Komisionit për Mbikëqyrje të Agjencisë së Kosovës për Inteligjencë, Ganimete Musliu, tha se ky takim kishte për qëllim të dëshmonte edhe një herë bashkëpunimin në mes këtyre dy komisioneve.

Musliu tha se është shumë i nevojshëm një bashkëpunim i tillë për të siguruar një qeverisje të mirë në të dyja shtetet.

-Advertisement-

Ganimete Musliu, kryetare e Komisionit për Mbikëqyrjen e Agjencisë së Kosovës për Inteligjencë

“Takimi ynë i përbashkët kishte për qëllim që edhe një herë ta dëshmojmë bashkëpunimin tonë me Komisionin për Sigurinë Kombëtare të Kuvendit të Republikës së Shqipërisë. Edhe në të kaluarën dy parlamentet kanë bashkëpunuar ngushtë me njëra-tjetrën por edhe tash është më se e nevojshme dhe më se e domosdoshme që ne të bashkëpunojmë që të sigurojmë një qeverisje të mirë në të dyja shtetet, që të kemi respektim të të drejtave të njeriut dhe lëvizjes së lirë, dhe po ashtu kemi nevojë që të shkëmbejmë përvojat në mes të dy shteteve duke pasur parasysh që Shqipëria ka përvoja më të gjatë sesa shteti ynë”, ka thënë Musliu.

“Kur kemi shtete të sigurta atëherë padyshim se do të kemi edhe mundësi më të mëdha edhe të invesitmeve, zhvillimit ekonomik dhe zhvillimit jetësor në përgjithësi”, ka shtuar ajo.

Kryetari i Komisionit për Sigurinë Kombëtare të Kuvendit të Republikës së Shqipërisë, Nasip Naço, tha se kanë ardhur në Kosovë për të shkëmbyer informacione reciproke, sepse sipas tij, këto dy shtete kanë çka përfitojnë nga njëra-tjetra.

“Kemi ardhur për të shkëmbyer informacione reciproke në funksion të inteligjencës sepse kemi çka përfitojmë nga njëri-tjetri. e shohim se të dy komisionet tona sa më të sigurta të jenë duke shkëmbyer informacione, më mirë do të jenë në dobi të qytetarëve. Komisioni i Sigurisë Kombëtare ka një të veçantë ndryshe nga komisionet e tjera parlamentare sepse ka të bëjë me shërbimet inteligjente në emër të zbatimit të ligjit, ky ka qenë barrikada që kemi dashur të vendosim në mes të zbatimit të ligjit dhe shkeljeve të të drejtave të njeriut”, ka thënë Naço.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-