Lajme

Policia kap në flagrancë 4 persona në një pompë derivatesh në Fushë Kosovë për shit-blerje të kokainës

Autori: Gazeta inFokus 10:10 | 02 Janar 2022

Antidroga në Prishtinë pas një hetimi një mujor dje rreth orës 15:10, ka zhvilluar një operacion policor me ç ‘rast në parkingun e një pompe të derivateve në Fushë Kosovë, në brendësi të veturës BMW ngjyrë e zezë, me targa vendore ka arrestuar në flagrancë katër persona të dyshuar (A.B; A.M; F.A; dhe D.J), të cilët janë hasur duke shkëmbyer substanca narkotike me para.

Siç njofton policia, gjatë arrestimit tek i dyshuari (A.M) janë gjetur një sasi e narkotikeve e llojit Kokainë me peshë prej 11.1 gramë të cilën e  kishte blerë nga i dyshuari tjetër (A.B), dhe tek i cili janë gjetur gjashtë qind e pesë dhjetë (650) Euro para të gatshme të cilat i kishte nga të dyshuarit që gjendeshin në automjet dhe tek këmbët i është gjetur një sasi e Kokainës me peshe prej 6.1 gramësh.

“Pas arrestimit të personave të dyshuar në konsultim me autoritetet e drejtësisë është bërë kontrollimi i banesës së të dyshuarit të lartcekur (A.B) e cila gjendej ne Fushë Kosovë ku gjatë kontrollit janë gjetur dhe konfiskuar: gjashtë (6) paketime të madhësive të ndryshme të mbushura me kokainë me peshë të përgjithshme prej (83.7 gram), 4150 Euro para të gatshme (që dyshohet se janë të përfituara nga shitja e narkotikeve), një (1) peshore digjitale, gërshërë dhe pajisje të cilat i ka përdorur për paketimin e narkotikeve”, njofton policia.

-Advertisement-

Gjatë operacionit policor janë konfiskuar dy vetura: një BMW ngjyre e zezë, një Ford me të cilat dyshohet se lëviznin personat e dyshuar, si dhe katër telefona celularë.

“Me urdhër të prokurorit kujdestar të dyshuarit dërgohen mbajtje për procedura të mëtejme”, njofton policia.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy