Lajme

Kina regjistron rekord të infektimeve me koronavirus

Autori: Gazeta inFokus 11:09 | 27 Dhjetor 2021

Më 27 dhjetor, Kina ka regjistruar 162 raste të reja të infektimit me koronavirus, njëherësh shifrën më të lartë përgjatë gjithë vitit.

Autoritetet kanë raportuar 150 raste të infektimit në qytetin Xi’an, i cili ka izoluar 13 milionë banorët e tij javën e kaluar, pas raportimit të disa rasteve.

Sipas rregullave të fundit, njerëzit në Xi’an mund të largohen nga shtëpitë e tyre vetëm në raste të rralla. Secila familje duhet të zgjedhë një anëtar që mund të kryejë blerjet një herë në dy ditë. E gjithë popullsia është testuar po ashtu disa herë për këtë virus, raporton REL.

-Advertisement-

Kina është duke zbatuar masa të ashpra në kuadër të politikës “zero raste me koronavirus”, dhe deri tani ka mbajtur pandeminë nën kontroll.

Një ekran i madh në një qendër tregtare në Pekin ka transmetuar takimin virtual mes presidentit kinez, Xi Jingping dhe atij rus, Vladimir Putin më 15 dhjetor 2021.

Për më shumë se një vit, situata me pandeminë në Kinë ka qenë dukshëm më e mirë sesa në shtetet tjera, pasi jeta e përditshme dhe ekonomia i janë kthyer normalitetit. Mirëpo varianti Delta ka rritur shkallën e infektimeve në vjeshtë dhe tani varianti i ri “Omicron” duket se është edhe më përhapës.

Autoritetet nuk kanë bërë të ditur ndonjë rast të infektimit me “Omicron” në Xi’an. Ndërkohë, Pekini pritet të organizojë Lojërat Olimpike Dimërore brenda pesë javëve.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy