Lajme

Lufta në prag, mercenarët rusë nisen drejt Ukrainës

Autori: Gazeta inFokus 13:10 | 24 Dhjetor 2021

Edhe pse e pohoi se ka sinjale pozitive nga SHBA dhe bisedimet mes palëve për uljen e tensioneve që po rrezikojnë shpërthimin e një konflikti në Ukrainë, mund të mbahen në janar, Vladimir Putin duket se ende nuk është tërhequr nga planet për të ushtruar presion mbi perëndimin me frikën e luftës.

Mercenarë rusë janë dërguar në Ukrainën lindore të kontrolluar nga separatistët pro-Mpskës, me qëllimin të forcojnë mbrojtjen kundër forcave qeveritare ukrainas, raporton Reuters duke cituar disa burime për këtë pohim.

Në javët e fundit, Rusia ka zhvendosur dhjetëra mijëra trupa të rregullta pranë kufirit teksa kërkon garanci urgjente nga Perëndimi se NATO nuk do të shtrihet në lindje duke rrezikuar atë vetë.

-Advertisement-

Perëndimi dhe Ukraina e akuzojnë nga ana e tyre Rusinë se po përgatit një sulm të ri ndaj fqinjit të saj jugor muajin e ardhshëm, gjë që Moska e mohon.

Rusia aneksoi Gadishullin e Krimesë nga Ukraina në vitin 2014 dhe mbështeti separatistët pro-rusë që pushtuan një pjesë të rajonit industrial Donbass në Ukrainën lindore po atë vit e vazhdojnë të luftojnë forcat qeveritare ukrainase atje.

Tre burime përshkruan për Reuters ofertat që kishin marrë nga rekrutuesit e mercenarëve për të shkuar në Donbass.

“Ata po mbledhin të gjithë personat që kanë një përvojë ushtarake”, tha njëri prej tyre.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy