Lajme

Auditores së Përgjithshme i plotësohet dëshira për uljën e pagës

Autori: Gazeta inFokus 11:29 | 13 Tetor 2021

Komisioni për Buxhet, Punë dhe Transfere ka aprovuar kërkesën e Auditorës së Përgjithshme, Vlora Spanca, për uljen e pagës në 2 mijë e 800 euro.

Kryetari i këtij Komisioni, Armend Muja, tha se Auditorja e Përgjithshme ka kërkuar që t’i ulet paga prej 3 mijë e 835 në 2 mijë e 800 euro.

Deputeti Eman Rrahmani tha se nuk është etike që të përzihen në kërkesën e vet Auditores së Përgjithshme.

-Advertisement-

“Ka qenë vetiniciativë dhe nuk është etike nga ne të përzihemi në këtë pjesë apo të ndryshojmë pasi është diçka simbolike dhe të lihet vlera e asaj që ka kërkuar pra 2 mijë e 800 euro. Nuk duhet që të ndikojmë edhe tek dikush që ndoshta kërkon ulje page dhe me u ndikua që ne mundemi edhe më shumë t’i ulim”, tha ai, raporton EO.

U përcaktua që në bazë të ligjit, Auditores së Përgjithshme t’i caktohet paga prej 2 mijë e 800 euro bruto.

Auditorja e Përgjithshme, Vlora Spanca, gjatë fjalës së saj në këtë komision tha se priten të raportohen deri në 134 raporte të auditimit gjatë punës në vazhdim.

“Priten të raportohen 134 raporte të auditimit dhe raporte të tjera që kanë të bëjnë me resurse njerëzore. Deri ne fund të vitit do dërgohen raporte edhe tek Ministria e Drejtësisë, raporte konfidenciale për dhomat e specializuara të gjykimeve”, shtoi ajo.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy