Lajme

Reagon “Termokos” pas lajmeve për ngritje të tarifave të ngrohjes

Autori: Gazeta inFokus 09:45 | 07 October 2021

NP “Termokos” përmes një postimi në rrjetin social “Facebook”, njofton qytetarët se nuk ka ngritje të tarifave të ngrohjes, shkruan Gazeta Infokus.

Njoftimi i plotë i NP “Termokos”

Për hir të informimit të drejtë dhe korrekt, NP “Termokos” informon opnionin e gjerë, dhe në veçanti konsumatorët tanë, se në asnjë rast dhe në asnjë rrethanë, nuk është paralajmëruar shtrenjtim i çmimit të ngrohjes, ashtu siç një portal vendor ka publikuar sot një titull tendencioz.

-Advertisement-

NP “Termokos” SH.A., ka kërkuar nga portali, që ka publikuar këtë titull tendencioz, që ta tërheqë atë dhe të mos dezinformojë opinionin e gjerë me përmbajtje të tilla të pavërteta.

Në të kundërtën, NP “Termokos” do të ndërmarr të gjitha masat e duhura ligjore sa i përket kësaj dezinformate.

Rikujtojmë, se i vetmi autoritet, që rregullon aktivitetin në sektorin e energjisë në Kosovë, dhe si rrjedhojë është përgjegjëse edhe për përcaktimin e tarifave të energjisë termike është Zyra e Rregullatorit për Energji (ZRRE), ndërsa NP “Termokos” vetëm i zbaton ato tarifa.

Ne shprehim keqardhjen tonë të thellë, për çdo shqetësim që mund t’u jetë shkaktuar konsumatorëve tanë me këto lajme të pavërteta në këtë kohë./Gazeta Infokus/

Subscribe në YouTube: GAZETA INFOKUSI