Lajme

Njoftim me rëndësi për bujqit, Ministria jep sqarime shtesë për pagesa direkte dhe subvencione

Autori: Gazeta inFokus 15:53 | 28 September 2021

Ministria e Bujqësisë, Pylltarisë dhe Zhvillimit Rural, përmes një njoftimi në rrjetin social Facebook ka përgatitur sqarimet shtesë për t’ua lehtësuar procesin e aplikimit të gjithë të interesuarve për aplikim në Programin për Pagesa Direkte 2021– Subvencione, për disa nga kriteret e reja, të cilat janë vendosur në kuadër të këtij programi, transmeton Gazeta Infokus.

1. Dokumentacioni i nevojshëm për aplikim për subvencionimin e sipërfaqeve të mbjella me kultura bujqësore:

Aplikuesi bashkë me aplikacionin duhet të dorëzojë edhe këto dokumente:

-Advertisement-

– Dëshmi nga kadastra mbi sipërfaqen e tokës së punueshme në Pronësi ose tokës së punueshme të trashëguar e që kur është e trashëguar duhet të dëshmohet me dokumente përkatëse për vijën e gjakut ose kopjen e kontratës që dëshmon disponueshmërinë e tokës së punueshme.
2. Dokumentacioni i nevojshëm për aplikim për subvencionimin e sipërfaqeve të mbjella më kultura bujqësore nën 10 hektarë:
Aplikuesi bashkë me aplikacionin duhet të dorëzojë:
– Kontratën për sipërfaqen e tokës bujqësore të marrë me qira (e lidhur në mes të dy palëve respektivisht qiradhënësit dhe qiramarrësit), në rastet kur toka është e trashëguar duhet që të specifikohet emri dhe mbiemri i personit që e ka trashëguar tokën dhe të nënshkruhet kontrata po nga i njëjti person që është trashëgimtar i tokës. Gjithashtu kontratës i duhet bashkëngjitur kopjet e letërnjoftimeve.
3. Dokumentacioni i nevojshëm për aplikim për subvencionimin e sipërfaqeve të mbjella me kultura bujqësore mbi 10 hektarë:
Aplikuesi bashkë me aplikacionin duhet të dorëzojë:
– Kontrata për sipërfaqen e tokës bujqësore të marrë me qira (e lidhur në mes të dy palëve qiradhënësit dhe qiramarrësit) duhet të jetë e noterizuar vetëm në ato raste kur tërësia e sipërfaqes së parcelave të marra me qira është më e madhe se 10 hektarë. /Gazeta Infokus/

Subscribe në YouTube: GAZETA INFOKUSI
Etiketa:
BKT Kosova vazhdon përkushtimin ndaj gjithëpërfshirjes duke dhuruar një furgon për të mbështetur fëmijët me nevoja të veçanta
-Advertisement-

Të tjera

Fokusi

lajme