Lajme

Reciprociteti për targat, Vuçiq e quan “veprim barbar e kriminal të Prishtinës”

Autori: Gazeta inFokus 14:16 | 21 Shtator 2021

Presidenti serb, Aleksandar Vuçiq, ka thënë se ka marrë një propozim nga vendet fqinje për të arritur një kompromis sa i përket gjendjes së krijuar në veri të Kosovës, mirëpo e ka refuzuar atë.

Derisa vendimin e Qeverisë së Kosovës për ndalimin e hyrjes së veturave me targa ‘KS’ nga Serbia dhe zëvendësimin me targa të përkohshme ‘RKS’, ai e ka quajtur veprim barbar e kriminal të Prishtinës.

“Në një bisedë me përfaqësuesit e vendeve më të fuqishme mora një propozim për një zgjidhje kompromisi, por unë e refuzova. Më lejoni ta përkthej për ju – është një zgjidhje sipas së cilës shqiptarët do të heqin dorë nga rreth 70% të asaj që kishin planifikuar të bënin, por do të prezantojnë 20 deri në 30% të masave. Unë ju thashë se e refuzova dhe pastaj mora miratimin e Këshillit të Sigurisë Kombëtare për të. Jam lodhur nga politika e aktit të kryer. Askush nuk do të pajtohet më me veprimet barbare dhe kriminale të Prishtinës”, ka thënë Vuçiq.

-Advertisement-

Këto deklarata ai i dha pas mbledhjes së Këshillit të Sigurisë, ku u diskutua për situatën në veri dhe presidenti serb kërkoi largimin e trupave të Kosovës nga veriu dhe një përgjigje urgjente për këtë nga Bashkimi Evropian./Gazeta Infokus/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy