Lajme

Reagon Berisha pasi Goran Rakiq përmendi ushtrinë serbe nga kufiri në Jarinje

Autori: Gazeta inFokus 14:25 | 20 Shtator 2021

Ish komandanti i Koshares, Hisen Berisha ka komentuar deklaratat e ministrit të Kosovës për Komunitete dhe Kthim, Goran Rakiq, i cili pas aksionit të policisë për ndalimin e hyrjes së veturave me targa ‘KS’ nga Serbia kërkoj ndihmë nga Serbia për zgjidhjen e kësaj situate duke përmendur edhe ushtrinë serbe.

Berisha në një intervistë për Gazetën Infokus ka thënë se qeveria e Kosovës duhet të   kërkojë ndihmë nga Këshilli i Sigurisë së Kombeve të Bashkuara për të garantuar siguri në Kosovë.

“Çdo provokim që vjen nga Beogradi i kësaj natyre dhe i deklarimeve të sotme duhet ta vë në veprim qeverinë e Kosovës, Këshillin Nacional të Sigurisë që të kërkojnë drejtpërdrejtë nga i autorizuari nga Këshilli i Sigurisë së Kombeve të Bashkuara për të garantuar sovranitetin territorial dhe stabilitetin dhe sigurinë e Kosovës e që është prania ushtarake në Kosovë e KFOR-it.  Mendoj se kjo është rruga ligjore me të cilën duhet të veprojë qeveria e jo të bëjë kësi ekzibicione me dërgim të forcave me ra në sy sepse policia është brenda detyrës zyrtare cilado qoftë njësia operative që  operon në atë vend”, ka thënë ai.

-Advertisement-

Ai po qashtu ka thënë se aksioni i sotëm është bërë krejtësisht për arsye fushate dhe heqjen e vëmendjes nga çështje më me rëndësi prej të cilave rrezikohet Kosova.

Kujtojmë se në aksionin që nisi të hënën në mëngjes, njësi speciale të policisë së Kosovës, ndaluan hyrjen e veturave me targa ‘KS’ në Kosovës, dhe e vetmja mundësi për të hyrë në Kosovë do të jetë me targa të përkohshme ‘RKS’, kjo sipas vendimit të qeverisë së Kosovës./Gazeta Infokus/

Çka parasheh vendimi i Qeverisë së Kosovës për reciprocitet

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy