Kryetari i Ferizajt nuk ka pranuar të lidhë asnjë marrëveshje me Nehat Mustafën dhe nismën e re politike që ka krijuar ky i fundit pas largimit nga Partia Demokratike e Kosovës.

Kështu kanë bërë të ditur burime të afërta të gazetës Infokus me degën e PDK-së në Ferizaj.

“Me Nehat Mustafën janë ndarë rrugët e PDK-së dhe kryetarit Agim Aliu dhe atë përfundimisht. Kryetari Aliu nuk do të bëjë as koalicion parazgjedhor e as pas zgjedhor me të, sepse ai përfaqëson anën korruptive që e kemi larguar nga PDK-ja pikërisht për këto arsye. Thashethemet e tij se do të hyjë në koalicion me Agim Aliun dhe PDK-në, ai i bën vet dhe qëllimisht, në mënyrë që ta dëmtojë PDK-në e Ferizajt dhe të përfitojë vet, por kjo gjë nuk do të ndodhë”, i kanë thënë Gazetës Infokus zyrtarë të PDK-së në këtë qytet.

-Advertisement-

Të njëjtën gjë për Infokusin e kanë thënë edhe nga kryesia dhe Këshilli Drejtues i PDK-së në degën e Ferizajt.

Ata kanë thënë se një gjë e tillë nuk është e mundur dhe nuk do të realizohet, ngase Nehat Mustafa është largur nga PDK-ja dhe kjo e ka kthjellur këtë subjekt politik në Ferizaj.

“Jo, nuk do të këtë kurrfarë koalicioni me të, as që bëhet fjalë. Realisht PDK e Ferizajt është kthjellur prej kur Muatsafa është larguar”, i kanë thënë Infokusit zyrtarë të këtij institucioni.

Neaht Mustafa e kishte braktisur Partinë Demokratike në Ferizaj, duke e akuzuar rënd kryetarin e kësaj Komune për keq menaxhim dhe nepotizëm.

Së fundmi Nehat Mustafa, bashkë me Gëzim Haxhimusën, e kanë themeluar subjektin Reformimi Demokratik për Ferizajn dhe garojnë me listë të veten në zgjedhjet e 17 tetorit, shkruan Gazeta Infokus.

Ndërkaq, në këto zgjedhje Agim Aliu, garon edhe për një mandat me Partinë Demokratike të Kosovës.

Gjatë mandatit të fundit ka realizuar një sër projektesh me rëndësi për Ferizajn, njëri ndër to që është finalizuar muaj më parë, është edhe ai i “Bashkimit të Qytetit të Ferizajt”, kurse ai vlerësohet edhe si njëri ndër kryetarët më të suksesshëm në Kosovë./Gazeta Infokus/

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-