Fokus

Shteti i Kosovës kujdeset më shumë për qentë e Policisë se për policët

Autori: Halil Berisha 15:02 | 02 September 2020

Policia e Kosovës të revoltuar po paralajmërojnë protesta.

Kjo pasi veçse po përballen me pandeminë e COVID-19 pa sigurim shëndetësor e jetësor, punën po e bëjnë me nga 12 orë në ditë, pa pasur madje as shujta, shkruan gazeta Infokus.

Por, veç kësaj, ajo çka e bën edhe më të çuditshme trajtimin që shteti ua bën policëve është që derisa këta nuk kanë asnjë sigurim shëndetësor e jetësor, qentë e policisë kanë kontrolle të rregullta mjekësore.

-Advertisement-

Këtë për Gazetën Infokus e ka konfirmuar edhe Shaban Tasholli nga Sindikata e Policëve të Kosovës.

“Qentë e policisë kanë kontrolle speciale mjekësore ne nuk kemi kurrfarë kontrolle, ata i kontrollon mjeku, neve askush derisa të sëmuremi e të vdesim krejt”, ka thënë Tasholli.

E situata e krijuar tash me pandeminë e COVID-19 ka bërë që policët të përballen edhe me gjëra më elementare se sa sigurimi, shkruan Gazeta Infokus.

“Krejt po ndodhin e asgjë nuk po ndodhë jemi në situatë e cila tash në anën tjetër në këtë situatë ku jemi, situatë e jashtëzakonshme, situatë e rëndë e kemi harruar sigurimin shëndetësor, na kanë largu në ndërrim të natës, paguhemi një pjesë, nuk na japin ushqim, 12 orë punojmë, në një mënyrë e kemi harru atë por e lypim të sotit çka e kemi, sot që po na ndodhë, polici 12 orë shëtitet natën, nuk është në gjendje shteti një shujtë me ja dhënë, një shujtë nuk është në gjendje me na dhanë”, ka thënë Tasholli për Infokus.

Tasholli fajin për këtë situatë ua ka lënë politikanëve që thotë se asnjëherë nuk u morën me këto problematika, por që sipas tij, Qeveria e fundit madje as nuk ka folur për to./Gazeta Infokus/

Lexo edhe:

Revoltohet Policia e Kosovës, paralajmërohen protesta: “Mos të vijnë si Hashim Thaçi në 3 të natës”

Heronjtë e pandemisë harrohen nga shteti, punojnë pa sigurim shëndetësor e jetësor

 

Subscribe në YouTube: GAZETA INFOKUSI
Etiketa:
Vetëm edhe 4 ditë nga Bootcamp me Alan Greenberg, ish-Drejtorin për Edukim në Apple, Apliko Tani
-Advertisement-

Të tjera

Fokusi

fokus