Fokus

Vëllai i Armend Mujës së VV-së në tubimin e Bedri Hamzës në Mitrovicë

Autori: Gazeta inFokus 22:06 | 24 October 2024

Kandidati për kryeministër nga Partia Demokratike e Kosovës, Bedri Hamza ka mbajtur një tubim madhor në qytetin e Mitrovicës ku njëherish është kryetar komune.

E në këtë tubim ka marrë pjesë edhe Gazmend Muja, vëllai i deputetit të Lëvizjes Vetëvendosje, Armend Mujës.

Në fotografinë e siguruar nga Gazeta Infokus ai shihet të jetë menjëherë në rreshtin e dytë mbrapa, Bedri Hamzës.

-Advertisement-

E për këtë tubim në llogarinë e tij në facebook ka njoftuar edhe vetë Hamza mirëpo në 25 fotografitë e publikuara nga ky event ai është përkujdesur që në asnjërën prej tyre të mos duket vëllai i deputetit të partisë në pushtet.

Hamza në njoftimin për këtë ka thënë se Mitrovica i bashkoi të gjithë dhe se në këtë tubim morën pjesë aq shumë njerëz saqë nuk i zuri as salla.

“Mitrovica nuk i bashkon vetëm zemrat tona, por na bashkoi edhe neve. Sonte ishim aq shumë, saqë as salla nuk na zuri. Vite më parë u bashkuam që ta bëjmë Mitrovicën më të mirë. U bashkuam që Mitrovicën t’ia rikthejmë qytetarëve dhe t’ia rikthejmë asaj identitetin e kampionit të shumëfishtë, në sport, në kulturë, në realizimin e projekteve. E bëmë. Tash po bashkohemi për Kosovën! Ju falënderoj të gjithëve për përkrahjen e madhe! Gjithmonë në shërbim të qytetarëve! Gjithmonë me ty, MITROVICË!”, ka shkruar ai.

Kjo nuk është hera e parë që vëllai i Mujës, përkrah PDK-në. Ai ka qenë edhe asamblist i PDK-së në komunën e Mitrovicës./Gazeta Infokus/

 

Subscribe në YouTube: GAZETA INFOKUSI
Aeroporti “Adem Jashari” ka një kërkesë për udhëtarët që kanë humbur valixhet e tyre
-Advertisement-

Të tjera

Fokusi

fokus