Lajme

Vdes 35-vjeçari si pasojë e një aksidenti tek rreth i Çagllavicës

Autori: Gazeta inFokus 09:22 | 05 January 2023

Një 35-vjeçar ka vdekur si pasojë e një aksidenti që ka ndodhur sot rreth orës pesë të mëngjesit, tek rreth i Çagllavicës.

Këtë për Klankosova.tv e ka bërë të ditur Flora Ahmeti, zëdhënëse për media në Drejtorinë e Policisë së Kosovës në Prishtinë.

Ajo theksoi se vetura ishte me targa të huaja, dhe inicialet e viktimës janë A.A.

-Advertisement-

“Rreth orës 04:40 kemi pranuar informatën se në Çagllavicë ka ndodhur një aksident trafiku me pasoja fatale. Në këtë aksident ka qenë i përfshirë një automjet, me targa të huaja. Si pasojë e aksidentit lëndime të rënda trupore ka pësuar një person, i cili nuk ka arritur t’i përballojë plagët dhe i njëjti ka ndërruar jetë”.

“Vdekjen e tij e ka konstatuar ekipi mjekësor në vendngjarje. Trupi i viktimës është dërguar për obduksion në Institutin e Mjekësisë Ligjore, ndërkohë që me hetimin e rastit po merret njësiti i trafikut”, ka thënë Ahmeti.

Subscribe në YouTube: GAZETA INFOKUSI
Etiketa:
Coffee Show B2B në Zagreb nga Devolli Corporation

Të tjera

Fokusi

lajme