Ukraina do të kërkojë mbështetje ndërkombëtare në OKB për formulën e saj për paqe
Autori: Gazeta inFokus 10:37 | 13 January 2023
Zëvendës ministrja e jashtme ukrainase tha të enjten se Kievi do të përpiqet për miratimin e një rezolute në Asamblenë e Përgjithshme të OKB-së, ku do të mishërohet formula prej 10-pikash e Presidentit Volodymyr Zelensky.
“Udhëheqësit ukrainas vendosën se prioriteti numër një që do të shqyrtohet në muajin shkurt është rezoluta kushtuar formulës së paqes”, u tha gazetarëve Emine Dzhaparova, pasi ndoqi një takim të Këshillit të Sigurimit të OKB-së për funksionimin e shtetit ligjor.
Më 24 shkurt mbushet një vit që kur Presidenti rus Vladimir Putin nisi sulmin frontal ndaj Ukrainës.
Gjatë takimit të G20-ës në nëntor, Presidenti ukrainas Zelensky iu drejtua pjesëmarrësve me video dhe prezantoi vizionin e tij prej 10 pikash për t’i dhënë fund luftës së Rusisë ndaj vendit të tij.
Ndër pikat e paraqitura përfshihej tërheqja e forcave ruse dhe ndalja e luftimeve, si dhe siguria bërthamore, ushqimore dhe energjitike, lirimi i të burgosurve të luftës dhe i personave të deportuar.
“Ambasadori Kyslytsya do të punojë tashmë për të arritur shqyrtimin e kësaj rezolute, pasi mund të bëjmë thirrje për një sesion të posaçëm për miratimin e saj”, tha zonja Dzhaparova.
Ajo theksoi se formula për paqe është një bazë për diskutime, por nuk do të thotë se Kievi është i gatshëm të nënshkruajë një marrëveshje që do të ishte kundër interesave të tij.
“Jemi shumë të angazhuar për një negocim për paqe që na sjell vetëm një rezultat: integritet territorial, sovranitet, paqe për njerëzit tanë”, tha ajo. “Por, siç ka thënë vazhdimisht presidenti im, nuk do të shkëmbejmë asnjë centimetër nga toka ukrainase, dhe pa nxjerrë nga Ukraina ushtrinë ruse, ne nuk do të diskutojmë për negociata paqeje”, tha ajo.
Sipas agjencisë shtetërore ruse të lajmeve RIA, Ministri i Jashtëm rus Sergei Lavrov ka thënë megjithatë se zyrtarët e Kremlinit do të refuzojnë të përdorin formulën e presidentit ukrainas si bazë për negociata, dhe e quajti synimin e Kievit për ta larguar Rusinë nga Ukraina lindore dhe nga Krimea “një iluzion”.
Kremlini njoftoi më 5 janar se Presidenti rus Putin i ka thënë Presidentit turk Tayyip Erdogan se Moska do të ishte gati për bisedime paqeje vetëm me kushtin që Ukraina “të ketë parasysh realitetin e ri territorial”, një referencë kjo për një njohje nga Kievi të territoreve të aneksuara.
Zonja Dzhaparova tha se Ukraina do të kërkojë këtë vit gjithashtu një rezolutë të dytë në Asamblenë e Përgjithshme të OKB-së për krijimin e një tribunali të posaçëm për të mbajtur përgjegjës udhëheqësit rusë për sulmin dhe krimin e agresionit.
Gjykata Ndërkombëtare Penale në Hagë po heton tashmë për krime të mundshme lufte dhe krime ndaj njerëzimit të kryera në territorin ukrainas që kur filloi sulmi i forcave ruse./VOA
Të tjera
-
Kapen kosovari e serbi në Zvicër me pasaporta kroate false, punuan si murator
Prokuroria publike e Schwyz-it dënoi kosovarin për hyrje të paligjshme, qëndr...
-
Kurti i shpreh keqardhje zyrtares amerikane që Kosova s’u fut në agjendë për anëtarësimin në KiE
Kryeministri Albin Kurti ia ka shprehur Nënsekretares amerikane të Shtetit pë...
-
Forca detare shqiptare dërgon anijen e dytë në operacionet e NATO-s
Forcat Detare të Shqipërisë kanë dërguar edhe anijen e dytë në operacionet e ...
-
Kurti: Amerika është mikja dhe partnerja jonë historike
Kryeministri Albin Kurti sot është takuar me nënsekretaren e Departamentit të...
-
Përfundon takimi i prindërve dhe Thaçin në Hagë, flet babai: “Po na merr malli, n’Kosovë e kanë venin e jo këtu”
Ka përfunduar vizita e prindërve të ish-presidentit Thaçi në Qendrën e Parabu...
-
Osmani pas takimit me Nënsekretaren amerikane: Partneriteti ynë me SHBA-të, është dhe do të mbetet ekzistencial për çdo sukses dhe çdo arritje të Republikës sonë
Presidentja Vjosa Osmani ka ndarë një video nga takimi dhe konferenca e përba...
-
Hamza në Zvicër: Mërgimtarët janë shtyllë e pamohueshme ekonomike
Kandidati për kryeministër nga radhët e Partisë Demokratike të Kosovës Bedri ...
-
Vdes ish-ushtari i UÇK-së, Mehmet Bylykbashi
Ka vdekur ditën e shtunë ish-ushtari i Ushtrisë Çlirimtare të Kosovës, Mehmet...
-
Nëna dhe babai i Thaçit marrin sërish rrugën e largët nga Kosova në Holandë për t’u çmallur me djalin e tyre
Pas një periudhe të gjatë që nuk e kishin parë djalin e tyre, prindërit e ish...
-
Kurti: Shtetet e Bashkuara, aleatja historike e Kosovës
Kryeministri Albin Kurti, ka thënë se “Shtetet e Bashkuara të Amerikës janë a...
-
Marrëveshja mes Kosovës dhe ShBA-së, Hovenier: Ky është një hap i rëndësishëm
Ambasadori i ShBA-së, Jeffrey Hovenier, ka thënë se është i nderuar që ishte ...
-
Ambasadori italian: Letra e Gërvallës, e pavlefshme
Italia konsideron se nuk është i vlefshëm zotimi për krijimin e draft statuti...