Ekonomi

Tregjet e Rusisë në kaos

Autori: Gazeta inFokus 09:29 | 10 April 2018

Tregjet e kapitalit në Rusi kanë pësuar rënien më të madhe në më shumë se 2 vite, ndërsa rubla pati performancën më të dobët te valutat e tregjeve në zhvillim, prej vendosjes së sanksioneve nga Shtetet e Bashkuara ndaj oligarkëve rusë javën e kaluar. Indeksi i titujve të kapitalit në Rusi (MOEX) ra me 3.8% në fillim të kësaj jave, që është rënia më e madhe që prej Janarit 2016.

Rubla ra me 1% në 58.7 kundër dollarit, ndërsa yieldi i titujve 10-vjeçar në vend u rrit në 7.11%. Valuta dhe aksionet u vendosën nën presion ndërkohë që SHBA vendosi sanksione për Rusinë për ndërhyrjet në zgjedhjet presidenciale të 2016-ës, duke shënjestruar kompani, aleatë të putin dhe miliarderët rusë. Sipas analistëve, kjo “njollë” pritet të reduktojë në afat-gjatë potencialin ekonomik të Rusisë dhe mundësinë e integrimit në ekonominë globale.

Sipas indeksit të miliarderëve të Bloomberg, pasuria e Oleg Deripaska, një nga 7 manjatët e shënjestruar gjatë javës që kaloi, ra me 1.1 miliardë dollarë brenda ditës së lajmërimit të sanksioneve. Lëvizja e presidentit Donald Trump vjen pas disa veprimesh të ngjashme nga Shtetet e Bashkuara dhe vendet aleate për sulmin ndaj spiunit rus në Britani./SCAN

-Advertisement-