Lajme

Subvencionimi dyfishon hektarët e grurit nëpër arat e Prishtinës

Autori: Gazeta inFokus 19:33 | 12 November 2022

Tokat e punuara janë shtuar sivjet në Rimanishtë të Prishtinës.

Arat janë më të gjelbëruara me grurë të sapo mbjellë, kjo në krahasim me vitin e kaluar.

Gjithë kjo sasi e mbjellë, sipas bujkut Blend Rexha, po ndodhë për shkak të subvencionimit që Komuna ka bërë për këtë drithë.

-Advertisement-

Vetë Rexha, i cili ka planifikuar të mbjellë 14 hektarë me grurë, e konsideron të nevojshme mbështetjen.

“I kena mbjellë deri tasht 8 hektarë, jena tu e vazhdu hala mbjelljen por shkaku i kohës me shira kena pauzu. Te rendimenti i grurit, pasulit e patates pak ka pas dëme nga breshëri dhe fatkeqësitë natyrore”, tha Rexha për “Ju Flet Prishtina”.

Bujku thotë se problem këtë vit ka bërë edhe rritja e çmimeve të produkteve bazë për punën e tij.

“Mbjellim grurë, misër, speca, patate qepë domate dhe bëjmë kultivimin e perimeve në sera, rreth 25 hektar i kemi të mbjellura me të gjitha kulturat bujqësore”, shtoi më tej ai.

E pikërisht rritja e çmimeve dhe situata e luftës Rusi-Ukrainë nga e cila u paralajmërua mungesë e grurit, i shtyu komunarët t’i subvencionojnë bujqit kryeqytetas me 80% të kostos së drithit të mbjellë.

Plator Gërdovci, Drejtor i Bujqësisë në Komunën e Prishtinës, tha për JFP se këtë Komuna e ka parë shumë të rëndësishme që të rriten subvencionet.

“Kur e kemi hap thirrjen e kemi pa që kërkesat menjëherë janë rritë sepse rreth 500 euro për hektarë ka qenë goxha shumë e konsiderueshme që i mbulon shpenzimet e fermerëve”, deklaroi ai.

Drejtori i Bujqësisë, tregon se vitin e kaluar kanë qenë rreth 550 hektarë me grurë, ndërsa sivjet sipas statistikave të para, sipërfaqet e të mbjellave janë dyfishuar.

“478 kërkesa i kemi pas këtë vit, përafërsisht 788 hektar të subvencionuar nga 50 ari deri në 2 hektar, por normalisht ne kemi bujq që mbjellin më shumë se kaq, andaj edhe e dimë që sasia e sipërfaqeve të mbjella është shumë më e madhe”, tha Gërdovci.

Sipas Gërdovcit, është formuar edhe komisioni që do të dalë në inspektime për të parë nëse përputhen kërkesat me të mbjellat në terren.

Subscribe në YouTube: GAZETA INFOKUSI
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

lajme