Fokus

“Siguria në veri do të dalë jashtë kontrollit, serbët e veriut mund të kërkojnë status special”

Autori: Gazeta inFokus 12:45 | 07 November 2022

Eksperti i sigurisë, Bedri Elezi, ka ngritur alarmin se pas rrethanave të reja të krijuara sa i përket dialogut Kosovë – Serbi, nga vendimi i targave, serbët e Kosovës mund të kërkojnë status special, çka do të sillte pasoja seriozë për vendin.

Ai në një deklaratë për Gazetën Infokus ka thënë se qeveria e Kosovës duhet të reflektojë dhe të sjellë rend dhe paqe në veri.

“Ekziston rreziku që serbët e Mitrovicës së veriut të kërkojnë një status special pas krijimit të rrethanave të krijuar, dhe këto veprime mund të sjellin pasoja serioze. Unë fillimisht dëshiroj të besoj se qeveria e republikës së Kosovës si dhe kryeministri Kurti, do të reflektojnë nga situata dhe kështu do të ushtrojnë përpjekje për sjellin e rendit dhe paqes në veri dhe gjithë vendin”, ka thënë Elezi.

-Advertisement-

LEXO EDHE: Alarmon eksperti i sigurisë: Ky ishte plani sekret i Serbisë, çfarë pritet të ndodhë në veri?

Ndërsa sipas tij nëse qeveria Kurti nuk koordinohet me ndërkombëtarët sa i përket vendimit për targat atëherë situata e sigurisë do të dalë jashtë kontrollit jo vetëm në veri por në të gjithë rajonin.

“Nëse qeveria e Kosovës nuk do të koordinohet me partner ndërkombëtar e sidomos me qeverinë Amerikane përmes ambasadës së saj në Prishtine, atëherë situata e sigurisë mund të dal jashtë kontrollit dhe pasojat do të jenë serioze, jo vetëm për Kosovën por gjithë rajonin”, ka shtuar njohësi i cështjeve të sigurisë.

Kujtojmë se edhe sot serbët në veri po vazhdojnë largimin e tyre nga institucionet. Në valën e dorëheqjeve të zyrtarëve serbë nga institucionet e Republikës së Kosovës, janë larguar edhe gjykatësit dhe prokurorët./Gazeta Infokus/

Alarmon eksperti i sigurisë: Ky ishte plani sekret i Serbisë, çfarë pritet të ndodhë në veri?

 

 

Subscribe në YouTube: GAZETA INFOKUSI
Super Zbritje në Artmotion
-Advertisement-

Të tjera

Fokusi

fokus