Fokus

“Denigrim, pabarazi, e dobët” – Ish-konsullja e Kosovës në Gjermani me akuza të rënda për Donika Gërvallën

Autori: Gazeta inFokus 18:52 | 27 December 2024

“Ministre e dobët” e cila nuk ka interesim që ta përmirësoj politikën e jashtme të Kosovës.

Kështu e ka përshkruar ministren Donika Gërvalla, ish-konsullja e Kosovës në Frankfurt të Gjermanisë, Fatmire Musliu.

Musliu e cila tash është kryetare e sindikatës së punëtorëve të MPJ-së, është ankuar se Gërvalla ua ka vështirësuar punën punonjësve të këtij dikasteri qeveritar.

-Advertisement-

“Zonja Gërvalla përfshihet deri tek shoferët, deri tek ai recepsionisti. Çdo kund përfshihet. I intereson asaj kush po hyn kush po del, qysh po i bëjnë “tikat” qysh nuk po i bëjnë tikat. Çdo gjë i intereson. Ajo çdo veprim që e ka marrë, e ka marrë me ua vështirësu punën njerëzve me të cilët ajo menaxhon. Gjithçka i intereson, vetëm politika e jashtme dhe përparimi i saj nuk i intereson”, ka thënë Musliu në emisionin “Infotalks”, prodhim i Gazetës Infokus.

Ajo ka thënë se edhe Këshilli i Pavarur Mbikqyrës, i cili do të duhej të merrej me ankesat e punonjësve, është tërësisht jashtë funksionit.

“Çfarëdo që bëhet, ti shkon ankohesh në Këshillin e Pavarur Mbikqyrës, e di si të trajtojnë? Është në kompetencë të ministrit. Ty të shkelet komplet e drejta jote, të shkatërrohet karriera dhe komisioni i cili është i thirrur, paguhet dhe mbikqyret nga Parlamenti për mbrojtjen e të drejtave tona në administratë, thotë është në kompetencë të një ministri politik, i cili mundet katër vjet me e mbajtë pozitën, mund t’i bëj Kosovës shumë më shumë dëm sesa dobi dhe ecë”, ka treguar ajo. /Gazeta Infokus

Subscribe në YouTube: GAZETA INFOKUSI