Qeveria e Kosovës të martën i bëri edhe një favor serbëve të komunës së Mitrovicës Veriore.

Me një vendim të marrë në mbledhjen e saj u dakrdua që Mitrovicës së Veriut t’i fal mbi 60 asete të ndërmarrjeve shoqërore brenda vendit, shkruan Gazeta inFokus.

E veç tokave, komuna e Mitrovicës veriore u bë edhe me 34 lokale të ndërmarrjes “Lux”.

Në pikën 2 të vendimit të Qeverisë thuhet se lokalet e “Luxit” që janë pronë shoqërore në territorin e Mitrovicës së Veriut, i kalojnë në menaxhim komunës.

“Aprovohet propozimi i Ministrisë së Administrimit të Pushtetit Lokal për kërkesën e komunës së Mitrovicës Veriore për tërheqje nga procesi i privatizimit dhe kthim në pronësi të komunë, për shkak se komuna e Mitrovicës ka shumë pak prona të lira. Zonat Kadastrale që janë objekt i këtij vendimi janë të gjitha objektet, lokalet e “LUX-it” si dhe tokave që janë në pronësi shoqërore të territorin e komunës së Mitrovicës veriore”, thuhet në vendimin e Qeverisë.

E Sazan Ibrahimi, drejtor i Asociacionit të Komunave të Kosovës këtë vendim e she si pozitiv.

Ai në një prononcim të Gazetën infokus ka thënë se përderisa vendimet janë në interes publik nuk paraqesin asnjë problem.

“Të gjitha komunat në Republikën e Kosovës i nënshtrohen ligjeve të njëjta dhe edhe në këtë rast edhe komunat e pjesës veriore janë komuna në Republikën e Kosovës dhe vendimet që merren në mënyrë të qytetarëve të Kosovës dhe që i avancojnë zhvillimin ekonomik lokale e janë në interesin publik atëherë nuk ka asnjë problem”, ka thënë ai.

Ibrahimi ka sqaruar procedurat që duhet ndjekur komunat për kthim të pronave të komunës.

“Çdo komunë e bënë kërkesën në Qeverinë e Kosovës përkatësisht në Ministrinë e Administrimit të Pushtetit Lokal me një analizë që i duhet ajo pronë komunale për interes publik dhe i ndjek procedurat. Qeveria e vlerëson se a është në interes publik apo jo dhënia e një parcele të komunës”, ka shtuar ai.

Ibrahimi thotë se pasuria që kanë aktualisht në pronësi komunat nuk është e mjaftueshme.

“Në Kosovë nuk ka mjaftueshëm pronë komunale, nëse e shikojmë nga aspekti i zhvillimit ekonomik lokal apo për interes publik, komunat janë shumë të kufizuara sa i përket pronës komunale”, ka thënë ai.

Ndërsa drejtor i Asociacionit të Komunave të Kosovës, Sazan Ibrahimi ka përmendur se në raste të caktuara komunat nuk kanë pasur pronë komunale as për varreza.

Gazeta inFokus ka raportuar se Qeveria e Kosovës nuk i ka falur asete vetëm Mitrovicës Veriore.

Pa shumë zhurmë, ua ka falur edhe Ranillugut dhe Kllokotit dhjetëra prona shoqërore që ndodhen në këto territore.

Ndërkaq, 11 prona me sipërfaqe të ndryshme të pa privatizuara do të kalojnë në pronësi të Ranillugut e 14 prona do ti falen komunës së Kllokotit./Gazeta inFokus/

Lexo edhe: Ja sa prona po ia fal Qeveria e Kosovës serbëve (Dokument)