Fokus

Sa janë të interesuar qytetarët për të marrë dozën e tretë të vaksinës?

Autori: Elvira Haxhiu 11:08 | 30 March 2022

Të martën u bënë një vit që kur procesi i vaksinimit ka filluar në Kosovë, shkruan Gazeta Infokus.

Filimisht Kosova kishte pranuar 24 mijë doza të vaksinës AstraZeneca, nga programi COVAX i Organizatës Botërore të Shëndetësisë.

Por, sa ka qenë interesimi i qytetarëve për të marrë dozën e tretë?

-Advertisement-

Në një përgjigje për Gazetën Infokus nga Ministria e Shëndetësisë kanë thënë se për të marrë dozën e tretë të vaksinës më të interesuar janë moshat më të shtyra.

Mirëpo, sipas tyre nuk ka interesim aq sa duhej të kishte.

Sipas ministrisë deri më tash 100 mijë persona kanë marrë dozën e tretë.

“Deri tani rreth 100,000 persona kanë marrë dozën e tretë dhe MSH u rekomandon personave mbi 18 vjeç, që kanë marrë dy doza, që ta marrin edhe të tretën, sepse me kalimin e kohës, imuniteti i fituar nga dozat paraprake vjen duke rënë”, thuhet në përgjigjen e MSH-së.

Në vitin 2022 interesimi i qytetarëve për tu vaksinuar është më i vogël në krahasim më vitin e kaluar, e që sipas MSH një gjë e tillë po ndodh për shkak të situatës më të qetë epidemiologjike.

Ministria e Shëndetësisë ka njoftuar se në mënyrë që të shtohet interesimi i qytetarëve për të marrë dozën e tretë, është duke u punuar me fokus grupe ku ka më pak të vaksinuar.

“Këtyre ditëve është duke u punuar me fokus grupe ku ka më pak të vaksinuar, përmes vizitave e sesioneve informuese dhe prodhimit edhe të produkteve që dërgojnë mesazhe tek ata qe nuk janë vaksinuar që ta bëjnë këtë me qëllim të mbrojtjes”, thuhet në përgjigjen e Ministrisë së Shëndetësisë për Infokusin.

Të martën me rastin e njëvjetorit të fillimit ta vaksinimit në vend, përmes një njoftimi MSH ka bërë të ditur se edhe pse Kosova ka filluar procesin e fundit ajo ka shkallë më të lartë ta vaksinimit se shtete e rajonit.

“Me mbi 1.820.000 doza të administruara, vaksinimi te popullata mbi 18 vjeçe në Kosovë ka arritur në 70% me një dozë dhe 63.4% me dy doza. Te popullata mbi 12 vjeçe, janë vaksinuar 62.7% me një dozë dhe 57.1% me dy doza. Sfidë mbetet vaksinimi me dozën e tretë, ku vetëm rreth 7% e popullatës mbi 12 vjeçe e kanë marrë atë”, njoftoi të martën Ministria e Shëndetësisë./Gazeta Infokus/

Subscribe në YouTube: GAZETA INFOKUSI
Viva Fresh sjell programin XL: 10% zbritje gjatë gjithë vitit!
-Advertisement-

Të tjera

Fokusi

fokus