Kupa e Botës 2022

Regragui: Duam të kujtohemi si ekipi më i mirë i Afrikës ndonjëherë

Autori: Gazeta inFokus 11:29 | 17 December 2022

Trajneri i Marokut, Walid Regragui i kërkon skuadrës së tij që të përfundojë Kupën e Botës në nivele të larta duke mundur Kroacinë në ndeshjen për vendin e tretë, teksa shton se dëshiron të mbahen mend si skuadra më e mirë afrikane.

Maroku mund të ketë dështuar të kualifikohet në finalen e madhe të Kupës së Botës “Katar 2022”, por ata mund të mbahet në mend gjatë.

Përfaqësuesja afrikane do të jetojë gjatë në kujtesë për shkaktimin e tre tronditjeve të mëdha në eliminimin e Belgjikës, Spanjës dhe Portugalisë.

-Advertisement-

Kështu do të jenë edhe mbështetësit e tyre pasionantë, të cilët u dyndën në Katar në dhjetëra mijëra njerëz dhe shkaktuan një atmosferë emocionuese në çdo ndeshje.

I pyetur se si mendon se do të mbahet mend skuadra e tij, trajneri Regragui ishte i qartë dhe i shkurt në përgjigje.

“Si skuadra e parë afrikane që shkon në gjysmëfinale dhe si skuadra më e mirë afrikane në histori. Rezultatet janë të qarta, ne jemi gjysmëfinalistë, por jemi përballur me disa nga ekipet më të mira evropiane”, ka thënë fillimisht Regregui.

“Meqenëse u përballëm me ekipe të mëdha në rrugën tonë, patëm disa befasi dhe mendoj se njerëzit do të kujtojnë gjendjen tonë shpirtërore, cilësinë tonë njerëzore gjithashtu, sepse dëshmuam se marokenët kanë shumë vlera dhe kanë shumë dëshirë”.

“Ne kemi bërë një shfaqje edhe në tribuna sepse tifozët tanë janë të jashtëzakonshëm. Mendoj se gjithçka së bashku dëshmon se kjo skuadër do të mbahet mend”, përfundoi trajneri i Marokut.

Subscribe në YouTube: GAZETA INFOKUSI