Sport

PSG ‘shkatërron’ Barcelonën dhe më një këmbë është në çerekfinale të Ligës së Kampionëve

Autori: Gazeta inFokus 22:57 | 16 February 2021

PSG-ja e ka mposhtur Barcelonën në udhëtim me rezultat të thellë 4-1, në sidën e parë në kuadër të 1/8 së finales në Ligën e Kampionëve, shkruan Gazeta inFokus.

Në takimin e zhvilluar në stadiumin ‘Camp Now’, skuadra e Barcelonës kaloi e para në avantazh në minutën e 32’.

Golin për katalunasit e realizoi sulmuesi argjentinas, Lionel Messi, nga pika e bardhë.

-Advertisement-

Mysafirët arritën ta barazonin rezultatin 1-1 pas vetëm katër minutave me anë të sulmuesit francez, Kylian Mbappe.

Pjesa e parë u mbyllë me rezultat 1-1, kurse në 45 minutat e dytë parisienët e ‘shkatërruan’ Barcelonën, duke i shënuar edhe tre gola tjerë.

Mbappe me golin e dytë personal në minutën e 65’ e përmbysi rezultatin 1-2, kurse për shifrat 1-3 realizoi Moise Kean.

Kilian Mbappe ishte në formën e tij dhe në minutën e 85’ kompletoi Hat-Tricuk, ku shënoi për rezultatin përfundimtar 1-4.

Më këtë fitore PSG me një këmbë është në çerekfinale të garës më prestigjioze për klube në Evropë.

Ndeshja e kthimit do të zhvillohet pas tri jave në Paris./Gazeta inFokus/

Subscribe në YouTube: GAZETA INFOKUSI
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera

Fokusi

sport