Sport

Granit Shala kërkon titullin “WBA Continental Europe”

Autori: Gazeta inFokus 14:22 | 26 June 2025

Boksieri shqiptar, Granit Shala, të shtunën do të luftojë për titullin “WBA Continental Europe”.

Kundërshtar do ta ketë Alexandru Jur nga Rumania. Ky meç i takon kategorisë së rëndë.

Dueli kryesor i mbrëmjes zhvillohet të shtunën në München të Gjermanisë në gala-mbrëmjen “Ring On Fire 20”.

-Advertisement-

“Jam gati. Nuk do të hyjë vetëm për të fituar, por për të dominuar dhe për të mposhtur kundërshtarin herët. Do të jap gjithçka për të dhuruar një shfaqje të madhe për mbështetësit e mi të shtunën”, deklaroi Shala, shkruan Gazeta Infokus.

Organizator i eventit është Agron Kurtishi – A.K. Promotion, i cili është edhe trajner i boksierëve shqiptarë që do të garojnë të shtunën.

Shala 28-vjeçar, ka arritur 17 fitore në boksin profesionist. Ka edhe një humbje.

Kurse Jur 40-vjeçar ka 21 fitore dhe 6 disfata.

Granit Shala mban dy tituj evropianë, IBF International Heavy dhe IBO Interkontinental Heavy.

Subscribe në YouTube: GAZETA INFOKUSI
Udhëtoni drejt Berlinit me PrishtinaTicket me çmime speciale!
-Advertisement-

Të tjera

Fokusi

sport