Ekonomi

Prishtinës çdo vit do t’i shtohen nga 4 milionë euro

Autori: Gazeta inFokus 17:27 | 12 March 2018

Buxhetit të Komunës së Prishtinës, secilin vit tash e tutje do ti shtohen edhe nga 4 milionë euro tjera, me mundësi rritjeje për aq sa rritet Buxheti i Kosovës. E për katër vitet e ardhshme kjo shtesë pritet të kalojë në mbi 2o milionë euro, shkruan Infokusi.com.

Kështu ka bërë me dije përmes një statusi në rrjetin social Facebook, vet Kreu i Komisionit për Buxhet dhe Financa, Lumir Abdixhiku.

“Jam jashtëzakonisht i lumtur të ju njoftoj se sot në Kuvend u mbështet amandamenti im bërë Ligjit të Kryeqytetit – me të cilin ndryshim Prishtina do t’i marrë 6% të grantit në vend të 4% sa parashihej fillimisht me ligj”, ka shkruar Abdixhiku.

-Advertisement-

Abdixhiku ka thënë se me këto mjete do të mund të ndërtohen plot rrugë, çerdhe, shkolla apo edhe qendra mjekësore në Prishtinë. Gjersa thotë se pavarësisht se Prishtina vazhdon të jetë kontribuesi më i madh i Buxhetit të Kosovës; por njëkohësisht edhe përfituesi më i pakët i investimeve kapitale.

Deklaron se pavarësisht bindjeve politike, Kryeqyteti mbetet i të gjithëve dhe duhet të trajtohet si i tillë.

“ Dhe ky është një kontribut modest i imi për Prishtinën; qytetin ku kam lindur – qytetin që m’ka rritë me plot sfida e plot dashni.
Në emër të banorëve të Prishtinës, falenderoj secilin në Komision për Administratë Publike që mbështeti amandamentin tim”, ka thënë Abdixhiku./Infokusi/.