Lajme

Osmani pas telefonatës me presidentin e Shqipërisë: Begaj mbështeti vendimet e institucioneve të Kosovës për reciprocitetin

Autori: Gazeta inFokus 16:00 | 01 August 2022

Vjosa Osmani ka biseduar në telefon me presidentin e Shqipërisë, Bajram Begaj pas zhvillimeve të fundit në Veri të Kosovës.

Begaj ka mbëshetur vendimet e institucioneve të Kosovës lidhur me reciprocitetin dhe maturinë e treguar.

Të dy presidentët janë dakorduar për komunikim të rregullt dhe vijim të bashkëpunimit me qëllim të ruajtjes së paqes dhe stabilitetit në rajon.

-Advertisement-

Postimi i plotë:

Presidentja e Republikës së Kosovës, Vjosa Osmani ka pranuar sot një telefonatë nga Presidenti i Republikës së Shqipërisë, Bajram Begaj pas zhvillimeve të fundit në veri të Kosovës, me ç’rast Presidenti Begaj mbështeti vendimet e institucioneve të Kosovës lidhur me reciprocitetin dhe maturinë e treguar.

Me këtë rast, Presidentja Osmani ka falënderuar homologun Begaj për mbështetjen dhe ka shprehur mirënjohjen e thellë nga ana e qytetarëve dhe institucioneve të Kosovës.

Të dy presidentët janë dakorduar për komunikim të rregullt dhe vijim të bashkëpunimit me qëllim të ruajtjes së paqes dhe stabilitetit në rajon.

Subscribe në YouTube: GAZETA INFOKUSI