Ndërpritet seanca e rigjykimit për vrḁsjen e argjentinases, i akuzuari Nika kërkon përkthyes tjetër
Autori: Gazeta inFokus
12:27 | 01 September 2026
Për shkak se i akuzuari Endrit Nika kërkoi përkthyes tjetër, është ndërprerë seanca e rigjykimit të hënën në Gjykatën Themelore në Prishtinë, në rastin ku Nika akuzohet për vrasjen e shtetases argjentinase (të dashurës së tij).
Paraprakisht, fjalën hyrëse e dha prokurori Armend Hamiti, i cili deklaroi se pas administrimit të provave në aktakuzë dhe atyre të nxjerra gjatë shqyrtimit gjyqësor, do të vërtetohet fajësia e të akuzuarit.
Kurse, përfaqësuesi i palës së dëmtuar, avokati Betim Shala tha se i bashkëngjiten ndjekjes penale dhe se do të paraqesin kërkesë pasurore-juridike.
Ndërkaq, me të kaluar tek mbrojtja e Nikës, avokati Tomë Gashi tha se duhet të sigurohet përkthyes i gjuhës gjermane- dialektit që flitet në Zvicër, me arsyetimin se i akuzuari ka probleme me të kuptuar përkthimin e gjermanishtes që flitet në Gjermani.
Më pas, trupi gjykues tha se kanë kontaktuar Këshillin Gjyqësor dhe u është thënë se nuk kanë përkthyes të gjuhës gjermane- të dialektit të flitet në Zvicër.
I akuzuari kërkoi që t’i sigurohet një përkthyes tjetër, andaj gjykatësi i rastit Gazmend Bahtiri ndërpreu seancën, që të shikohet mundësia e sigurimit të ndonjë përkthyesi tjetër sikurse kërkoi Nika.
Edhe në rigjykim, Endrit Nika deklarohet i pafajshëm për vrasjen e argjentinases në Fushë-Kosovë
(Përditësuar, ora 9:50)- Në seancën e rigjykimit, i akuzuari Endrit Nika u deklarua sërish i pafajshëm për vrasjen e shtetases argjentinase (të dashurës së tij) në Fushë-Kosovë më 2023.
“I pafajshëm”, u deklarua shkurt Nika, pasi paraprakisht u lexua aktakuza nga prokurori Armend Hamiti
Rasti po gjykohet nga trupi gjykues i përbërë nga Gazmend Bahtiri- kryetar, si dhe anëtarët Alltën Murseli dhe Gëzim Ademi.
Nis rigjykimi ndaj Endrit Nikës, i akuzuar për vrasjen e argjentinases në Fushë-Kosovë
Prishtinë- Në Gjykatën Themelore në Prishtinë ka nisur rigjykimi ndaj Endrit Nikës, i akuzuar për vrasjen e shtetases argjentinase (të dashurës së tij) në Fushë-Kosovë më 2023.
Prezent në seancë janë prokurori Armend Hamiti, i akuzuari Nika me mbrojtësin e tij, avokatin Tomë Gashi. Kurse, pala e dëmtuar përmes video-lidhjes, si dhe përfaqësuesi i tyre- avokati Betim Shala.
Gjykata Themelore në Prishtinë më 19 shkurt 2026, ka shpallur aktgjykim dënues ndaj Endrit Nikës, duke e dënuar me 18 vjet burgim. Por, Gjykata e Apelit ka aprovuar ankesën e mbrojtjes dhe e ktheu rastin në rigjykim.
Në seancën e 28 majit 2025, i akuzuari u deklarua i pafajshëm.
Sipas aktakuzës së ngritur më 11 shkurt 2025 nga Prokuroria Themelore në Prishtinë, Endrit Nika akuzohet se më 1 gusht 2023 në një hotel në Fushë-Kosovë, pas një mosmarrëveshje paraprake me të dashurën e tij- tani të ndjerën M.K-U., të cilën paraprakisht e godet në vazhdimësi dhe tenton ta shkelë me veturë tek parkingu jashtë hotelit, dhe pasi që hyjnë në hotel- në dhomën ku ishin duke që ndruar, i pandehuri Nika me dashje që ta privojë nga jeta tani të ndjerën M.K-U ka vazhduar përleshjen dhe goditjet ndaj të dëmtuarës, duke e dërguar në qoshe të dhomës nga ku nuk ka pasur mundësi të largohet dhe nga goditjet dhe shtyrjet që i ka bërë tani të ndjerës M. K-U., e ka nxjerrë kornizën e dritares duke e hedhur të ndjerën nga dritarja e dhomës së hotelit nga kati i gjashtë. Me ç’rast, tani e ndjera si pasojë e lëndimeve edhe përkundër trajtimit mjekësor ka ndërruar jetë në QKUK.
Me këtë, i akuzuari Endrit Nika ngarkohet se ka kryer veprën penale “Vrasje e rëndë” nga neni 173, par.1, pika 1.3 të Kodit Penal. /BetimipërDrejtësi

T� tjera
-
Lista Studentore e ftuar në Forumin për Zgjerimin në Bruksel, Baucal flet për rivendosjen e marrëdhënieve me fqinjtë
Përfaqësuesit e Listës Studentore që i fitoi zgjedhjet në Serbi po marrin pje...
-
Nesër verdikti në Hagë për rastin e pengimit të drejtësisë, çfarë pret profesori nga Universiteti i Amsterdamit
Dy muaj pasi u dënua me 25 vjet burgim për krime lufte, ish-presidenti i Koso...
-
Një muaj paraburgim për Astrit Haraqinë dhe grupin e arrestuar dje në Prishtinë
Astrit Haraqia dhe personave të tjerë të arrestuar dje në Prishtinë u është c...
-
Ndalohet zyrtari i Gjykatës në Prishtinë, dyshohet se mundësoi regjistrimin e banesës në emër të serbit
Prokuroria Themelore në Prishtinë ka ndaluar për 48 orë një zyrtar me inicial...
-
Trump fajëson teknologjinë e vjetër për kaosin në aeroportet amerikane: “Pati një sulm në zemër”
Presidenti i Shteteve të Bashkuara të Amerikës, Donald Trump, ka fajësuar paj...
-
Kënga serbe për Kosovën në Bruksel, Rama: S’e di nëse ishte e qëllimshme apo nga padija, por ishte fyerje e rëndë
Kryeministri i Shqipërisë, Edi Rama, kritikoi interpretimin e një kënge nacio...
-
DETAJE TË REJA: Mburreshin për “çmimin e lartë” – del që AKP-ja pronën për babain e Valon Ramadanit e shiti me çmimin më të ulët nga 6 prona në Ferizaj në 2025-ën
Agjencia Kosovare e Privatizimit (AKP), e cila kishte arsyetuar shitjen direk...
-
Pamje të tmerrshme nga tuneli në Lismir: Komuna e Fushë Kosovës akuzohet se e dëmtoi, tani mbushet me ujë sa herë bie shi
Asamblisti i Lidhjes Demokratike të Kosovës (LDK) në Komunën e Fushë Kosovës,...
-
“Kështu është kur mbetesh pa miq e aleatë”, Rrezarta Krasniqi reagon për këngën serbe kundër Kosovës në një forum të BE-së
Ish-deputetja e Lidhjes Demokratike të Kosovës (LDK), Rrezarta Krasniqi, ka r...
-
Gruaja në Bordin e BQK-së e burri në TEB, mbi 127 mijë euro të hyra nga pagat e bonuset e majme
Në Kosovë, një nga vendet më të varfra të kontinentit evropian, të cilën e qe...
-
Presidentja takohet me ambasadoren e Izraelit, në fokus bashkëpunimi mes dy vendeve
Presidentja Justina Shiroka Pula, ka pritur në takim ambasadoren e Izraelit n...
-
KPM nuk miraton rekomandimin për vërejtje ndaj TV Dukagjinit për emisionin “Debat Plus”
Komisioni i Pavarur për Media (KPM), lidhur me rastin e Televizionit Dukagjin...


































