Ekonomi

Miratohet projekt-dokumenti për Projektligjin mbi pagat

Autori: Gazeta inFokus 14:56 | 09 March 2018

“Pagë e njejtë për punën e njëjtë”. Tash e tutje nuk do të ketë diskriminim në paga.

Të gjithë që punojnë në administratë publike në të njejtën punë, do të paguhen me të njejtën pagë.

Ky është edhe parimi me të cilin është përgaditur Projektiligji për pagat në Republikën e Kosovës.

-Advertisement-

Koncept dokumenti për pagat që realizohen nga buxheti i Republikës së Kosovës ka marr aprovimin e kabinetit qeveritar. Kështu thuhet në vendimet që ka marrë Qeveria e Kosovës në mbledhjen e rregullt, të 35 me radhë.

“ Koncept dokumenti i miratuar do t’i hap rrugë hartimit dhe miratimit të Projektligjit për pagat në Republikën e Kosovës.Parimi bazë i ndjekur në përgatitjen e këtij dokumenti është: Paga e njëjtë për punën e njëjtë”, thuhet në një nga vendimet e Qeverisë.

Ndërkohë, edhe Ministri i Shëndetësisë, Uran Ismaili, ka vlerësuar se koncept-dokumenti i miratuar sot në qeveri, i hap rrugë kategorizimit të pagave edhe për profesionistët shëndetësor.

Ismaili ka thënë se nuk do të ketë reforma në sektorin shëndetësor pa rritjen e pagave të atyre që punojnë 24 orë në 7 ditë të javës. Shpreh gatishmërinë e tij që të punojë me të gjithë akterët për finalizimin e detajeve dhe arritjen e një zgjidhje.

“Nuk do të ketë reforma në sektorin shëndetësor pa rritjen e pagave të atyre që punojnë 24 orë në 7 ditë të javës, që të jenë në gatishmëri të qytetarëve tanë në nevojë. Miratimi i Koncept-Dokumentit që bëmë sot në Qeveri, i hap rrugë kategorizimit të pagave edhe për profesionistët shëndetësorë. Unë do të punoj ngushtë me të gjithë akterët me rëndësi, për finalizimin e detajeve që shumë shpejt të vijmë deri te një zgjidhje, e cila është e pranueshme edhe për vetë personelin”, ka shkruar Ismajli në Facebook.

Portali “Infokusi” provuar të kontaktojë edhe me Kryetarin e Komisionit për Buxhet dhe Financa, për të marrë qëndrimin e tij, lidhur me miratimin e projekt dokumentit për Projektligjin për pagat, por ai ka qenë i paqasshëm./Infokusi

Subscribe në YouTube: GAZETA INFOKUSI