Ministria e drejtuar nga Aliu e Durmishi jep edhe dy tender të dyshimtë
Autori: Gazeta inFokus
15:49 | 02 August 2021
Trendi i dhënies së tenderëve me procedurë të negociuar, që konsiderohet si forma më e dyshimtë e tenderimit, nuk ka të ndalur në Ministrinë e Infrastrukturës, e cila udhëhiqet nga ministri, Liburn Aliu dhe zëvendësi i tij, Hysen Durmishi.
Kjo ministri deri më tani ka dhënë dhjetëra tenderë duke e aplikuar këtë procedurë të prokurimit, përkundë kritikave të shumta se në këtë formë në vazhdimësi janë favorizuar biznese të caktuara dhe është modeli me i përfolur për korrupsion, shkruan Gazeta Infokus.
Madje edhe sot, (e hënë, 02.08.2021) ka njoftuar për nënshkrimin e një kontrate me kompaninë të cilën e ka përzgjedhur me procedurë të negociuar, pa shpallje të tenderit dhe pa lejuar garën e hapur ku mund të aplikojnë edhe kompani të tjera.
Tenderin “Rikonstruimi i Rrugës Miradi – Zona Industriale” e kanë fituar grup i Operatorëve Ekonomik “Fidaie Bytyçi B.I”. “K.N.P.SH. PAPENBURG & ADRIANI COMPANY SH.P.K”.
Në njoftimin për dhënie të kontratës, të cilin e ka siguruar Gazeta Infokus, nuk thuhet nëse është vazhdim i punimeve, por vetëm specifikohet se është ndjekur procedura: “E negociuar pa publikim të njoftimit për kontratë”.
Vlera e parashikuar e kësaj kontrate ka qenë 75 mijë e 972 euro e 38 cent dhe fiks ky ka qenë edhe çmimi i ofertës se fituar të tenderit, pra asnjë cent më pak se që ka qenë çmimi i procedurës së negociuar.
Por ky nuk është i vetmi tender qe ministria e udhëhequr nga Liburn Aliu ka dhënë pas kritikave të shumta qe mori kur u publikua hulumtimi i Gazetës Infokus ” Skandal: Ministria e Infrastrukturës për dy muaj dha 28 tenderë me mbi 5 milionë euro pa procedura të hapura”
Vetëm tri ditë me herët, të premten, datë 30.07.2021, Gazeta Infokus ka gjetur se Ministria e Infrastrukturës ka nënshkruar edhe një kontratë tjetër duke përzgjedhur kompaninë përmes procedurës së njëjtë, të negociuar.
Kjo kontratë, përshkrimi saktë i të cilës është për; “Asfaltimi i Rrugëve në Kamenicë” i është dhënë operatorit ekonomik “N.N.T.”A.B.C.” nga Podujeva.
Vlera e parashikuar e kësaj kontratë ka qenë 85 mijë e 40 euro e 29 cent, kurse njëjtë sikur edhe në tenderin paraprak, vlera e dhënës së kontratës është po ashtu fiks sa parashikimi i kontratës, 85 mijë e 40 euro e 29 cent.
Ndërkaq, ditë më parë zëvendës ministri Hysen Durmishi ka thënë se 1ë nga data 22 mars në ministrinë që ai drejton është nënshkruar vetëm një kontratë përmes procedurës së negocimit dhe atë ka të bëjë projektin e zgjatjes së pistës së aeroportit.
“Kjo është kontratë me kompaninë mbikqyrëse për këtë projekt tepër të rëndësishëm për ne. Projekti ka rifilluar pasi që ishte ndërprerë para 1 vit e gjysmë për shkak të pandemisë. Kompanisë mbikqyrëse ndërkombëtare i kishte skaduar kontrata të cilën e kishte me afat kohor për 18 muaj, prandaj duhej kontratë e re me të njëjtën për të ruajtur vazhdimësinë e projektit”, pati thënë Durmishi.
Të gjitha kontratat tjera sipas tij janë aneks kontrata për punë shtesë.
Të gjitha këto aneks kontrata për punë shtesë ishin aprovuar nga menaxhmenti i kaluar gjatë vitit 2019 dhe 2020. Pas nënshkrimit të këtyre aneks kontratave kanë filluar punimet në të gjitha këto projekte që ishin bllokuar për dy vite. Gjithçka që kemi bërë e kemi bërë në përputhje me ligjin dhe në shërbim të qytetarëve”, ka shkruar Durmishi.
Megjithatë, në dy kontratat e fundit, të cilat i ka siguruar Gazeta Infokus, nuk thuhet se është vazhdim i punimeve, por vetëm se është ndjekur procedura: “E negociuar pa publikim të njoftimit për kontratë”. /Gazeta Infokus/






T� tjera
-
Policia e Kosovës rrit gatishmërinë për përballimin e turmave
Gjithsej 175 pjesëtarë të Njësive për Reagim të Shpejtë (NJRSH) të Policisë s...
-
Ganimete Musliu: Haga ka kaluar kufijtë e drejtësisë dhe të njerëzores
Deputetja e Partisë Demokratike të Kosovës (PDK), Ganimete Musliu, ka reaguar...
-
“Nuk mujta me pa”, flet Dauti, vëllai i Jakup Krasniqit, pas largimit të tij drejt Hagës
Daut Krasniqi, vëllai i ish-kryetarit të Kuvendit të Kosovës, Jakup Krasniqi,...
-
Pamje prekëse: Momenti kur Jakup Krasniqi përshëndetet me fëmijët e tij dhe rikthehet në Hagë
Ka përfunduar vizita katër-ditore e ish-kryetarit të Kuvendit të Kosovës, Jak...
-
Jakup Krasniqi përfundon vizitën katërditore me familjen në Kosovë
Ish-kryetari i Kuvendit të Kosovës dhe ish-zëdhënësi i Ushtrisë Çlirimtare të...
-
HULUMTIM PËR VDEKJET E PUNËTORËVE NË KEK: Si i neglizhoi vazhdimisht menaxhmenti paralajmërimet për rrezikimin e jetës së tyre (DOKUMENTE)
Për më shumë se dy vjet, në Korporatën Energjetike të Kosovës (KEK) ishin ngr...
-
Vizita e Krasniqit, Gucati: Ky kolos i kombit që dha gjithçka për Kosovën, sot mbahet larg më të dashurve të tij
Kreu i OVL UÇK-së, Hysni Gucati ka reaguar me një mesazh emocionues lidhur me...
-
Abdixhiku përkujton Xhavit Ahmetin në 30-vjetorin e vdekjes: Kontributi i tij mbetet i pashlyeshëm
Kryetari i LDK-së, Lumir Abdixhiku, ka përkujtuar veprimtarin, atdhetarin dhe...
-
Një person pa shenja jete në Istog, policia jep detaje
Një person i gjinisë mashkullore është gjetur pa shenja jete mëngjesin e sotë...
-
Protestojnë mjekët e rinj, studenti kundërshton Kurtin: 534 mjekë në Kosovë janë të papunë
Mundësi të rregullta punësimi, konkurse transparente për specializime dhe pag...
-
Balla poston videon e Jakup Krasniqit: Shqipëria dhe Kosova i duan në shtëpi komandantët e lirisë
Shefi i deputetëve socialistë në Parlamentin shqiptar, Taulant Balla, ka shpë...
-
Lirimi i të akuzuarve për vra*sjen e trefishtë në Gllogjan, gjykata arsyeton se asnjë dëshmitarë nuk e ka identifikuar autorin
Gjykata Themelore në Pejë ka shpallur aktgjykim lirues ndaj tre të akuzuarve,...


































