Lajme

Liberalizimi i vizave për Kosovën, Besnik Bislimi “ngutet” të marrë meritat

Autori: Gazeta inFokus 15:17 | 30 November 2022

Zëvendës kryeministri i parë i Kosovës, Besnik Bislimi ka reaguar pasi Kosovës iu dha drita jeshile nga ambasadorët e vendeve anëtare të BE-së për liberalizimin e vizave.

Bislimi ka thënë se mirëpret këtë dakordim të vendeve anëtare të BE-së, duke shtuar se ka biseduar me të gjitha vendet skeptike dhe se kanë marrë burimin e problemit dhe i kanë trajtuar këto probleme, duke shtuar që këto janë arsyet e vendimit pozitiv të sotëm për vizat.

“Një hap i rëndësishëm është hedhur sot drejt liberalizimit të vizave për qytetarët e Republikës së Kosovës. Mirëpresim dakordimin mes ambasadorëve të vendeve anëtare të Bashkimit Evropian, për ta kaluar procesin drejt fazave të rradhës, deri në vendimin final. Ka qenë një proces i gjatë i takimeve konsultative me vendet skeptike, ku kemi marrë burimin e problemit. E kemi trajtuar atë dhe theksuar se vendi ynë gjatë vitit të fundit ka shënuar progres madhor në fushën e sundimit të ligjit, luftën kundër korrupsionit, forcimin e kontrolleve kufitare dhe menaxhimin e migrimit. Puna, përkushtimi dhe angazhimi në këtë proces, u riafirmua sot dhe nga të gjitha shtetet anëtare të BE-së”, ka deklaruar Bislimi.

-Advertisement-

Ai ka shtuar se presin që procedurat e mëtejme të përfundojnë shpejt dhe që liberalizimi të kthehet për votim në Këshillin e Ministrave.

“Pas shumë viteve ngecje e pritjeve të tejzgjatura, çështja e liberalizimit të vizave ecën tutje në procedurat e vendimmarrjes në institucionet e BE-së, ku faza e rradhës është ajo ndër-institucionale mes Këshillit të BE-së dhe Parlamentit Evropian, nga ku presim që procedurat të kalohen shpejt dhe të kthehen në Këshillin e Ministrave për vendimin final. Falenderues ndaj Presidencës së Çekisë të Këshillit të BE-së, për vëmendjen e tyre të veçantë dhe përkushtimin në shtyrjen përpara të procesit të liberalizimit të vizave, si dhe të gjitha shteteve anëtare që e kanë mbështetur aktivisht Republikën e Kosovës në këtë proces”, ka thënë zv. Kryeministri.

Kujtojmë se sot për Gazetën Infokus e kanë konfirmuar nga Presidenca Çeke s eështë bërë një hap i rëndësishëm sa i përket liberalizmit të vizave për Kosovën që është nisja e negociatave me Parlamentin Evropian dhe me komisionin për të finalizuar tekstin në lidhje me këtë çështje.

Derisa zëdhënësja e Presidencës, Eva Hrncirova për Gazetën Infokus ka thënë se hapi i radhës është planifikimi i trilogut me Parlamentin Evropian, mirëpo për këtë ende nuk është caktuar një datë./Gazeta Infokus/

Presidenca çeke jep detaje për Infokus: “Ky do të jetë hapi i radhës që 1.1.2024 të jetë data e dhënies së vizave për Kosovën”

Subscribe në YouTube: GAZETA INFOKUSI
Po, Po 31 Vetura Dacia Logan shpërblim për konsumator nga ETC
-Advertisement-

Të tjera

Fokusi

lajme