Fokus

Presidenca çeke jep detaje për Infokus: “Ky do të jetë hapi i radhës që 1.1.2024 të jetë data e dhënies së vizave për Kosovën”

Autori: Gazeta inFokus 11:27 | 30 November 2022

Presidenca Çeke e Këshillit të Bashkimit Evropian ka konfirmuar për Gazetën Infokus se sot është bërë një hap i rëndësishëm sa i përket liberalizmit të vizave për Kosovën që është nisja e negociatave me Parlamentin Evropian dhe me komisionin për të finalizuar tekstin në lidhje me këtë çështje.

Zëdhënësja e Presidencës, Eva Hrncirova për Gazetën Infokus ka thënë se hapi i radhës është planifikimi i trilogut me Parlamentin Evropian, mirëpo për këtë ende nuk është caktuar një datë.

“Urime dhe jemi të lumtur që ju sjellim një lajm kaq të mirë! Tani duhet të planifikohet trilogu me PE – ende nuk është caktuar një datë”, ka thënë zëdhënësja, Hrncirova.

Ndërsa ajo ka thënë se shpresojnë që procesi të vazhdojë në këtë formë pa probleme dhe që koaovarët me 1 janar 2024 të mund të lëvizin lirshëm në Evropë.

“Shpresojmë që hapat e ardhshëm të ecin pa probleme dhe data 1.1.2024 të jetë data e dhënies së vizave për Kosovën”, ka shtuar zëdhënësja e presidencës çeke.

Ndërsa po ashtu nga presidenca për Infokus kanë thënë se vlerësojnë përpjekjet e të gjithë akterëve të përfshirë për një rezultat kaq pozitiv.

LEXO EDHE: “Ky është një lajm i madh për Kosovën”, presidenca çeke konfirmon për Infokus dritën jeshile për liberalizimin e vizave

 

“Me miratimin e mandatit të tij në mbledhjen e ambasadorëve sot, Këshilli ka bërë një hap të rëndësishëm drejt liberalizimi i vizave me Kosovën. Këshilli tani do të nisë negociatat me Parlamentin Evropian dhe me Komisioni për të finalizuar tekstin. Presidenca çeke mirëpret marrëveshjen e arritur në nivel Këshilli dhe vlerëson përpjekjet e të gjithëve aktorët përkatës në arritjen e këtij rezultati”, kanë thënë në deklaratën e presidencës çeke për Infokus.

Po ashtu ata kanë përgëzuar Kosovën për plotësimin e kushteve si dhe kanë bërë thirrje që vazhdohet bashkëpunimi me BE-në.

“Ne përgëzojmë progresin e konsiderueshëm të bërë në të gjitha blloqet e vizave udhërrëfyesi i liberalizimit nga Kosova, duke përfshirë në fushën e sigurisë së dokumenteve, kufirit dhe migracionit menaxhimin, rendin dhe sigurinë publike, dhe të drejtat themelore në lidhje me lirinë e lëvizjes.  Ne bëjmë thirrje Kosova të vazhdojë bashkëpunimin e ngushtë me BE-në dhe shtetet anëtare të saj për të ruajtur përmbushjen e vizave kushtet e liberalizimit”, thuhet në deklaratë.

Kujtojmë se cështja e liberalizimit të vizave ishte hequr nga agjenda për shkak të problemve në dialogun Kosovë – Serbi dhe mos arritjes së një marrëveshjeje për targat. Mirëpo me arritjen e marrëveshjes kjo temë u kthye në diskutim dhe grupet punuese erdhën deri të një vendim pozitiv që të fillojnë negociatat me Parlamentin Evropian./Gazeta Infokus/ 

Të tjera

Fokusi

fokus