Rozë

Lady Gaga, ka menduar për vetëvrasjen

Autori: Gazeta inFokus 11:32 | 13 June 2018

Lady Gaga njihet si një ndër ato këngëtare që preferon gjithmonë të flasë hapur. Këtë herë në ndarjen e çmimeve ‘Global Changemakers Awards’, këngëtarja ka treguar për problemet e saj me shëndetin mendor.

Duke marrë shkas nga vetëvrasja e disa nga figurave më të njohura në botë, Lady Gaga gjatë fjalimit të saj tregoi se sa shumë e nevojshme është prania e të tjerëve për të lehtësuar procesin e rikuperimit nga sëmundjet mendore.

“Për këto katër vitet e fundit kam pasur disa ide për vetëvrasje dhe mendime të vazhdueshme për këtë gjë.

-Advertisement-

Në fillim mendoja se isha thjesht një njeri i keq dhe isha e vetme, megjithatë në momentin që i tregova familjes dhe miqve të mi gjeta menjëherë mbështetje.

Më vonë fillova të takoja persona që kishin të njëjtin problem si unë. Unë e di se jam me shumë fat që kam gjetur mbështetje, por të gjithë mund të të ndihmojnë nëse ke kurajën të tregohesh i ndershëm me veten dhe të tjerët për atë që po kalon”, tha këngëtarja.

Lady Gaga tregoi se ka vuajtur për një kohë të gjatë, megjithatë ajo gjeti zgjidhjen lehtësisht duke u hapur me të tjerët dhe duke treguar çdo gjë që ndjente.

Subscribe në YouTube: GAZETA INFOKUSI