Lajme

Kurti sot dhe nesër në Shqipëri, nuk tregon se a do takohet ndaras me Ramën

Autori: Gazeta inFokus 15:04 | 27 November 2023

Kryeministri i Kosovës, Albin Kurti do të qëndroj sot e nesër në Shqipëri, për nder të 111 vjetorit të pavarësisë së Shqipërisë.

Kurti para gazetarëve bëri të ditur se në qytetin e Vlorës do të bëjë homazhe në nderim të dëshmorëve të kombit.

I pyetur se a do të ketë mbledhje të përbashkët në mes të Qeverisë së Kosovës dhe asaj të Shqipërisë, Kurti ka thënë se do të ketë.

-Advertisement-

“Sigurisht se do të kemi edhe mbledhje të qeverive në të ardhmen. Ndërkaq, unë sonte do të jem në Tiranë, për shkak se teatrot tona do të japin një shfaqje përmbyllëse me regji të Ilir Bokshit dhe njëkohësisht do të japin edhe çmimet përkatëse. Ndërkaq, nesër do të jem në Vlorë, ku do të bëjmë homazhe, nderim për panumër dëshmorë e heronj të cilët sakrifikuan që të jemi të lirë e të bashkuar. Deri më tani kemi 184 marrëveshje dhe nuk ka asnjë qeveri në Kosovën e pavarur e cila ka bërë më shumë marrëveshje dhe zbatim të tyre sesa kjo e jona për rreth 2/3 e mandatit”, ka thënë ai.

Derisa kur është pyetur se nëse do të takohet ndaras me kryeministrin e Shqipërisë Edi Rama, ai nuk është përgjigjur.

Subscribe në YouTube: GAZETA INFOKUSI
Etiketa:
Prince Caffe pjesëmarrës në panairin “Gulfood Fair 2024” në Dubai

Të tjera

Fokusi

lajme