Kreditë e këqija bien në 3,1%
Autori: Gazeta inFokus 17:21 | 09 March 2018
Kreditë joperformuese në vendin tonë gjatë muajit janar kanë rënë në 3,1 për qind, duke shënuar kështu nivelin më të ulët thuajse nga konsolidimi i sektorit financiar e deri më tash, shkruan sot Gazeta “Zëri“.
Në raport me vendet e rajonit Kosova vazhdon të kryesojë për nga përqindja shumë e ulët e kredive joperformuese.
Nëse e bëjmë një kalkulim të thjeshtë del se shuma e kredive joperformuse në bankat kosovare është rreth 75 milionë euro, nga më shumë se 2.4 miliardë euro sa është shuma totale e kredive që kanë lëshuar deri në muajin janar të gjitha bankat që operojnë në vendin tonë. Sipas raportit të BQK-së, shihet se rritja vjetore e kredive është 11,3 për qind e ku nga kjo përqindje për ekonomitë familjare rritja vjetore e kredive është 12,8 për qind, derisa për ndërmarrje është 10,7 për qind, shkruan tutje “Zëri“.
E në anën tjetër, shuma e depozitave deri në këtë kohë ka arritur të jetë mbi 3 miliardë euro e ku për ekonomitë familjare ka një rritje prej 0,9 për qind, derisa për ndërmarrje 13,9 për qind.
Sipas raportit të fundit të BQK-së, shihet se gjatë muajit janar të këtij viti të hyrat e bankave kanë qenë 19.8 milionë euro, ku nga kjo shumë 15.2 milionë euro janë të hyra nga interesi e derisa në anën tjetër gjatë kësaj periudhe kohore shpenzimet e bankave kanë qenë 12.6 milionë euro, ku nga kjo shumë 1.5 milion euro janë shpenzime të interesit, derisa pjesa tjetër janë shpenzime administrative. Në raportin e fundit të Bankës Qendrore të Kosovës (BQK) shihet se muaji janar i këtij viti po ashtu ka qenë i suksesshëm për bankat komerciale, ku të gjitha së bashku kanë arritur ta krijojnë një profit neto prej 7.2 milionësh euro.
Po ashtu vitin me një profit të konsiderueshëm sivjet e kanë nisur edhe 18 institucione mikrofinanciare, që operojnë në vendin tonë.
Gjatë muajit janar të këtij viti këto të gjitha së bashku kanë arritur ta krijojnë një profit neto prej 800 mijë eurosh.
Gjatë muajit janar të këtij viti të hyrat e mikrofinancave kanë qenë 3 milionë euro, ku nga kjo shumë 2.2 milionë euro janë shpenzime.
Gjatë muajit janar norma e interesit në kreditë që kanë lëshuar institucionet mikrofinanciare në vend është 23,6 për qind.
Po ashtu gjatë kësaj periudhe kohore duke operuar mirë janë edhe kompanitë e sigurimeve, biznese këto që në vazhdimësi monitorohen nga Banka Qendrore e Kosovës.
Sipas raportit të BQK-së, shihet se gjatë muajit janar të këtij viti profiti i kompanive të sigurimeve ka arritur në 6.9 milionë euro.
Të tjera
-
Fatura milionëshe për Arkitektin e Kryeqytetit, Përparim Rama i reagon Sveçlës së LVV-së
Perparim Rama e ka akuzuar për manipulim me një faturë milionëshe shefin e Gr...
-
Dënohet me 400 euro gjobë i akuzuari se kanosi deputeten Kusari-Lila
Gjykata Themelore e Prishtinës e ka dënuar me 400 euro gjobë Emin Latin, i ci...
-
Raportimi i Infokusit – Edhe ‘FBI’ përfshihet në hetimet për grupin shqiptar ‘’AlbKings ‘’ në Telegram
Për grupin famëkeq shqiptar në rrjetin social Telegram të quajtur ’AlbKings ‘...
-
Arrestohet hajni që vidhte në objekte fetare në Gjilan
Drejtoria Rajonale e Policisë Gjilan, Njësiti i Hetimeve të Stacionit Policor...
-
Shkarkimet në Policinë e Kosovës – Hoxha përballet me akuza nga opozita, VV-ja e mbron
Me akuza e kundërakuza është përcjellë raportimi i drejtorit të Përgjithshëm ...
-
Pse po largohen hetuesit nga policia, flet drejtori i Policisë kosovare
Drejtori i Policisë së Kosovës, Gazmend Hoxha, të premten gjatë raportimit në...
-
Rohde për Leverkusenin: Një tjetër natë emocionuese, Xhaka me shokët e tij në finale
Ambasadori gjerman në Prishtinë, Jorn Rohde, ka reaguar pasi Bayer Leverkusen...
-
Serwer: Escobar dhe Lajcak e nisën keq, përfunduan edhe më keq, kjo është rruga që duhet ndjekur në negociata
Profesori amerikan Daniel Serwer, i cili njeh mjaftë mirë zhvillimet në rajon...
-
Raportimi i drejtorit të policisë po vazhdon me debate e akuza në Komision
Me akuza po përcillet raportimi i drejtorit të Përgjithshëm të Policisë së Ko...
-
OKB voton sot draftrezolutën për t’u dhënë palestinezëve të drejta më të mëdha përfaqësimi
Asambleja e Përgjithshme e Kombeve të Bashkuara do të votojë sot për t’u dhën...
-
Lajçaku takohet me DiCarlon, diskutojnë për Ballkanin Perëndimor
I dërguari special i Bashkimit Evropian për dialogun Kosovë-Serbi, Miroslav L...
-
Nga sot fillon procesi për konvertimin e patentë shoferëve ilegalë në RKS, këto janë procedurat
Nga sot do të fillojë procesi i konvertimit të patentë shoferëve të lëshuar n...