Konflikti për piper të kuq në Obiliq, shqiptohen dënime me burgim
Autori: Gazeta inFokus 15:03 | 12 January 2023
Sadik Malaj është dënuar me 3 vite burgim dhe 500 euro gjobë pasi akuzohet se në korrik të 2022-ës ka tentuar ta vrasë me thikë të kuzhinës Jusen Jusenoviq, për shkak të një konflikti që kishte ndodhur në kafene. Ndërsa, Jusenoviq është dënuar me një vit burgim pasi akuzohet se në lokalin “Te Skenda” në Obiliq ka rrahur Malajn shkaku se ky i fundit kishte harruar t’ia sillte piperin e kuq.
Aktgjykimi është shpallur të enjten në Gjykatën Themelore në Prishtinë nga gjykatësi Avni Syla, raporton “Betimi për Drejtësi”.
Sipas aktgjykimit Malaj për veprën penale “Vrasje në tentativë” është dënuar me 3 vite burgim ndërsa për veprën penale “Mbajtja në pronësi, kontroll ose posedim të paautorizuar të armëve” është dënuar me 500 euro gjobë.
Ndërsa i akuzuari Jusenoviq për veprën penale “Lëndim i rëndë trupor” është dënuar me 1 vit burgim.
Gjykatësi Syla tha se në rast se dënimi me gjobë nuk paguhet në afatin e caktuar, të akuzuarit Malaj do t’iu zëvendësohen me ditë burgu.
Në dënimin me burgim, të akuzuarit Malaj do t’iu llogaritet edhe koha e kaluar në paraburgim dhe në arrest shtëpiak si dhe të njëjtit iu ndërpre masa e arrestit shtëpiak.
Po ashtu u konfiskua edhe thika si mjet i kryerjes së veprës penale.
Të akuzuarit po ashtu janë të obliguar të i paguajnë shpenzimet procedurale dhe atë secili veç e veç nga 100 euro për paushallin gjyqësorë dhe nga 50 euro për kompensim të viktimave të krimit.
Ndërsa palët e dëmtuara për realizimin e kërkesës pasurore- juridike u udhëzuan në kontest juridiko-civil kurse palët e pa kënaqura kanë të drejtë ankese në afat prej 15 ditësh.
Sipas aktakuzës së ngritur më 27 korrik 2022 nga Prokuroria Themelore në Prishtinë, i pandehuri Sadik Malaj më 23 shkurt 2022, rreth orës 14:45, në oborrin e shtëpisë së të dëmtuarit që gjendet në Obiliq, ka tentuar që ta privojë nga jeta të pandehurin Jusen Jusenoviq, për shkak të një konflikti që kishte ndodhur në kafenenë “Te Skenda”.
Aktakuza thotë se i pandehuri Malaj merr thikën e kuzhinës, i shkon prapa ku e takon në oborrin e shtëpisë së tij, që ishte larg rreth 100 metra dhe nga prapa e godet një herë me thikë në shpinë, ku tehu i thikës i mbetet në shpinë, ndërsa dorëzën e thikës e hedhë dhe largohet nga vendi i ngjarjes.
Si pasojë e kësaj, thuhet se të pandehurit i kanë shkaktuar lëndime të rënda trupore njëri-tjetrit.
Në kohë, vend dhe mënyrë si në pikën 1 të dispozitivit të kësaj aktakuze, i pandehuri Sadik Malaj thuhet se pa autorizim ka poseduar armë-thikën, me të cilën e ka kryer veprën penale si në pikën 1 të dispozitivit të kësaj aktakuze.
Tutje, sipas aktakuzës i pandehuri Jusen Jusenoviq më 23 shkurt 2022, në kafenenë “Te Skenda”, e cila gjendet në Obiliq, i ka shkaktuar lëndime të rënda trupore tani të pandehurit Sadik Malaj.
Gjithnjë sipas aktakuzës, i pandehuri Jusenoviq ka shkuar në kafene dhe ka porositur ushqim, pasi që i është ofruar ushqimi i porositur, ka kërkuar edhe piper të kuq, ku i pandehuri Sadik kishte harruar që t’ia sillte e ndërkohë i bie në mend se ka harruar porosinë e marrë dhe ofrohet që edhe një herë ta pyes se çka ka porositur.
Si pasojë e kësaj, aktakuza thotë se fillon fjalosja e tyre, ku i pandehuri Jusenoviq ngritet në këmbë e kapë për gjoksi dhe me kokë e godet në fytyrë të pandehurin Malaj, i cili rrëzohet në tokë e më pastaj ngritet, fillojnë të rrahjen në mes vete, ku pronari i lokalit S. së bashku me djalin e tij D.S ndërhyjnë dhe i ndajnë, ku të pandehurin Sadik Malaj e fusin në kuzhinë, ndërsa i pandehuri Jusen del nga lokali niset për në shtëpi, me ç ‘rast të pandehurit i kanë shkaktuar lëndime të rënda trupore. /BetimipërDrejtësi
Të tjera
-
Arratisja e Sekiraqës, Hodaj: Do të verifikojmë nëse policia ka pasur informacione për ikjen e tij nga Kosova
I akuzuari për shtytje në vrasje të policit Triumf Riza më 2007, Enver Sekira...
-
Borrell: Besueshmëria e BE-së në rrezik, shkak mospërfillja e GJND-së nga Izraeli
Shefi i politikës së jashtme të BE-së, Josep Borrell, tha se blloku evropian ...
-
Si ndodhi plagosja e qytetarit në Zonën Ushtarake të FSK-së?
Hyrja është e ndaluar. Kjo pasi në këtë zonë të fshatit Babaj i Bokës në G...
-
Reagon avokati i Radoiçiqit: S’ka pasur negocim me KFOR-in, janë gënjeshtra të ndyta për ta njollosur
Raportin e Grupit Ndërkombëtar të Krizave, përkatësisht një pjesë të saj e ci...
-
Hedhen vaksina nga ajri për të parandaluar tërbimin e kafshëve të egra, Ministri Peci jep detaje
Faton Peci, ministër i Bujqësisë, ka shkruar në Facebook, të dielën për hedhj...
-
Gjatë javës pritet të arrihet koalicioni qeverisës në Maqedoninë e Veriut
Në Maqedoninë e Veriut po vazhdojnë negociatat për krijimin e Qeverisë së re....
-
E pazakontë, tufa e ujqërve zbret në Dragash
Të shtunën një kope me ujqër është parë në fshatin Pllajnik të Dragashit. ...
-
Haziri: Qeveria Kurti bllokoi 1 miliardë e 200 milionë euro për infrastrukturë
I dyti i LDK-së, Lutfi Haziri thotë se janë hiç më pak se 1 miliardë e 200 mi...
-
Partitë politike flasin për zgjedhje të parakohshme, por ende nuk dihet nëse do të mbahen ato
E enjtja pritet të jetë vendimtare se a do të shkojë vendi në zgjedhje të par...
-
Vetura e Ibrahim Rugovës mund të shihet përsëri në rrugë
Kjo veturë me të cilën dikur lëvizte ish-presidenti Ibrahim Rugova, mund të f...
-
Osmani në 25 vjetorin e Masakrës së Tusuzit: Vendosja e drejtësisë për viktimat është përkushtim i çdoditshëm i yni
Presidentja e Kosovës Vjosa Osmani, i ka përkujtuar viktmat e Masakrës Tusuz ...
-
Mbahet kuvendi zgjedhor në nëndegën e PDK-së në Finlandë
Deputeti i PDK-së, Elmi Reçica, përmes një postimi në facebook ka njoftuar se...