Fokus

“KFOR-i ndalon vizitat e ministrave të Kosovës në komunat në veri”, flet Elbert Krasniqi

Autori: Hateme Smajli 11:20 | 19 June 2023

Elbert Krasniqi, ministri i Administrimit të Pushtetit Lokal, në një përgjigje për Gazetën Infokus ka thënë se nuk kanë asnjë informacion zyrtar se KFOR-i ka ndaluar vizitat e ministrave të qeverisë së Kosovës dhe zyrtarëve të saj në veri të vendit.

Si njëri ndër ministrat që goxha shpesh ditëve të fundit ka vizituar kryetarin e komunës së Leposaviqit, Lulzim Hetemin që ende po vazhdon të jetë i ngujuar në objektin e komunës, shkurtimisht Krasniqi ka thënë se po dëgjon për herë të parë për këtë informacion dhe se nuk dëshiron të komentojë më shumë.

“Unë prej jush tash po e dëgjoj këtë informacion, edhe kaq nuk kisha dashtë me komentu ma gjatë. Apsolutisht jo!”, ka thënë shkurt ministri për Infokus.

-Advertisement-

Ndërsa dje dhe sot u raportua nga mediat se KFOR-i ka ndaluar këto vizita që ministrat e qeverisë së Kosovës po iu bënin kryetarëve shqiptarë në komunat në veri, mirëpo ende nuk është dhënë asnjë përgjigje zyrtare.

Gazeta Infokus në lidhje me këtë cështje ka kontaktuar edhe me KFOR-in por që të njëjtit nuk kanë dhënë ende ndonjë përgjigje./Gazeta Infokus/

Ilir Peci tregon nëse KFOR i ka ndaluar vizitat e ministrave të qeverisë së Kosovës në veri

Subscribe në YouTube: GAZETA INFOKUSI
Etiketa:
Bileta të lira nga Prishtina drejt Stockholm me PrishtinaTicket!
-Advertisement-

Të tjera

Fokusi

fokus