Fokus

Ju, Kryeministër, dhe unë që kemi lexuar mijëra libra, a keni një ‘adut’ për të dalë nga kjo krizë?” – Gazetari habit Kurtin me pyetje të papritur

Autori: Gazeta inFokus 15:41 | 29 June 2025

Kryeministri në detyrë Albin Kurti, është ballafaquar me një pyetje të pazakontë gjatë një konference për media, ku është  pyetur nëse ka një zgjidhje për krizën e konstituimit të Kuvendit të Kosovës, shkruan Gazeta Infokus.

Kurti ka deklaruar se pavarësisht statusit të qeverisë si në detyrë, ai nuk punon më pak, ndonëse ka kompetenca më të kufizuara, siç përcaktohet në nenin 31 të Ligjit për Qeverinë.

Ai kritikoi mungesën e funksionimit të Kuvendit të Kosovës, duke theksuar se është në dëm të vetë deputetëve opozitarë.

-Advertisement-

“Së pari, të gjithë e dimë që Kosova ka një Qeveri në detyrë, ka kryeministër në detyrë, i cili, për shkak se është në detyrë, nuk punon më pak se më herët, por ka më pak kompetenca. Neni 31 i Ligjit për Qeverinë tregon se mandati është i kufizuar, dhe unë këtë gjë e respektoj. Por qeveri në detyrë ka, kryeministër në detyrë ka. Kurrë Kosova nuk ka qenë më e sigurt dhe më e fuqishme. Ajo që sot i mungon Kosovës, në këtë sistemin tonë politik, është Kuvendi, e sidomos deputetët opozitarë, sepse nuk kanë ndonjë gjë tjetër përveç Kuvendit.”, është shprehur Kurti.

Kurti kujtoi se kur Vetëvendosje ishte në opozitë, kishte një përkushtim të madh për punën parlamentare.

“Si është e mundur që deputetët opozitarë e privojnë veten nga shtëpia e tyre, prej nga do ta mbikëqyrnin qeverinë. Unë këtë nuk e kuptoj dhe nuk mendoj që është e logjikshme. Kur ne kemi qenë deputetë opozitarë, e kemi dashur shumë Kuvendin. Krejt ky vit shkoi pa Kuvend, dhe kjo është në dëm të vetë deputetëve opozitarë. Kuvendin duhet ta bëjmë bashkë me opozitën  sa më herët, aq më mirë.”, theksoi kryeministri në detyrë.

Në përfundim, Kurti tha se në situatën aktuale nuk ka zgjidhje tjetër veçse të arrihet një marrëveshje e paketuar për zgjedhjen e kryetarit dhe nënkryetarëve të Kuvendit.

Ndryshe takimi mes liderëve të partive politike, i thirrur nga kryetari i Lëvizjes Vetëvendosje, Albin Kurti të shtunën nuk ka sjellë ndonjë zhvillim të ri apo afrim që mund të zhbllokojë krizën politike./Gazeta Infokus/

Subscribe në YouTube: GAZETA INFOKUSI
Bileta të lira nga Prishtina drejt Stockholm me PrishtinaTicket!
-Advertisement-

Të tjera

Fokusi

fokus