Fokus

Ja si pritet të shkoj nesër takimi i Kurtit me liderët e partive politike

Autori: Gazeta inFokus 20:10 | 27 June 2025

Kryeministri në detyrë, Albin Kurti, ka thirrur për nesër një takim me liderët e partive parlamentare për të diskutuar mbi hapat e ardhshëm pas vendimit të Gjykatës Kushtetuese lidhur me procedurën e konstituimit të Kuvendit, shkruan Gazeta Infokus.

E në lidhje me këtë Eugen Cakolli nga Instituti Demokratik i Kosovës thotë se ftesa për takim është një hap i mirë por që nuk pretë të ketë ndryshim.

I ftuar në emisionin “Podcast me Shkëlzen Dakaj”, Cakolli theksoi se nesër takimi i Kurtit me liderët e partive politike, është vetëm një obligim që e kanë nga Lëvizja Vetëvendosje të vendosur nga Kushtetuesja e që qëllimi është për të krijuar një opinion në publik që nuk janë ata që e bllokojnë Kuvendin por është opozita.

-Advertisement-

“Unë besoj që është hap i mirë sepse kjo është në funksion të asaj përgjegjësisë kryesore që e ka Lëvizja Vetëvendosje, por në anën tjetër nuk mund të presë ndryshim. Me dy qëndrimet e fundit atë të mbrëmshëm të LVV-së, dhe të sotëm që jo që duhet të jetë zonja Haxhiu por duhet të jetë votim i fshehtë këto e pamundësojnë çfarëdo  konsensusi. Takimi i nesërm do të jetë përpjeke e LVV-së  për ta konsumuar obligim që Gjykata Kushtetuese e ka përcaktua si partia e parë në gjetjen e një konsensusi. Unë besoj që qëllimi më shumë është të krijohet një lloj opinioni publik që ne nuk jemi ata që po bllokojmë por janë partitë e tjera, derisa në esencë me deklarimet të paktën ajo çfarë kemi parë dje dhe sot nuk duket që ka lëvizje nga qëndrimi por duket që ka forcim dhe betonim të këtyre qëndrimeve aktuale që unë besoj që janë shkaku i krizës që ne ndodhemi”, ka deklaruar Cakolli në Infokus.

Ndryshe në takim nesër pritet të marrin pjesë përfaqësuesit e Partisë Demokratike të Kosovës (PDK), Lidhjes Demokratike të Kosovës (LDK), Aleancës për Ardhmërinë e Kosovës (AAK), si dhe Fatmir Limaj nga NISMA.

Për më shumë ndiqeni storien e plotë:

Subscribe në YouTube: GAZETA INFOKUSI
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

fokus