Fokus

Ekskluzive: Takimi i liderëve nuk prodhon zgjidhje – Kurti ngul këmbë për Albulena Haxhiun dhe komisionin

Autori: Gazeta inFokus 18:04 | 28 June 2025

Takimi mes liderëve të partive politike, i thirrur nga kryetari i Lëvizjes Vetëvendosje, Albin Kurti, nuk ka sjellë ndonjë zhvillim të ri apo afrim që mund të zhbllokojë krizën politike.

Burime brenda takimit kanë bërë të ditur për Gazetën Infokus se Kurti po vazhdon me këmbëngulje të kërkojë votimin e komisionit dhe ka qenë i qartë se nuk tërhiqet nga propozimi i Albulena Haxhiut për kryetare të Kuvendit.

“Kjo është kërkesa e tij. Edhe pas vendimit të Gjykatës Kushtetuese, nuk ka dhënë asnjë shenjë se mund të ndryshojë qëndrim,” ka thënë burimi për Infokus.

-Advertisement-

Sipas të njëjtit burim, Kurti ka kërkuar kompromis nga liderët e tjerë, por zgjidhjen e ka imponuar vetëm mbi bazën e kushteve të tij, duke mos lënë hapësirë për propozime alternative.

Ky takim vjen pas më shumë se katër muaj bllokade politike dhe pas vendimit të Gjykatës Kushtetuese, e cila konstatoi se seanca konstituive e Kuvendit, e filluar më 15 prill 2025, nuk ka përfunduar në përputhje me Kushtetutën dhe duhet të mbyllet brenda 30 ditësh. Në këtë situatë, takimi i sotëm u pa si përpjekje për të gjetur një zgjidhje institucionale, por pa sukses konkret deri tani.

Subscribe në YouTube: GAZETA INFOKUSI
Risi në foleja.com! Prej 49.99€ bleni dyshekët Nouve Blanc dhe përfitoni transportin falas me DHL
-Advertisement-

Të tjera

Fokusi

fokus