Fokus

Ndërtimi i dy urave në Mitrovicë, qeveria jep 3 milionë euro tender të negociuar

Autori: Gazeta inFokus 15:42 | 01 July 2025

Sot nga qeveria është njoftuar se kryeministri në detyrë do të vë gurthemelet e dy urave që u paralajmëruan të ndërtohen  në Mitrovicë kjo pavarësisht se nga BE-ja, Albin Kurtit i bënë thirrje për përmbajtje dhe mos marrjen e vendimeve të tilla.

E në lidhje me këtë qeveria Kurti sot ka nënshkruar një tender të negociuar hiq më pak se 3 milionë euro, shkruan Gazeta Infokus.

Kontrata e quajtur “Ndërtimi i mbikalimeve (urave) për këmbësorë dhe automjete në Mitrovicë” është publikuar sot në E-prokurimi ndërsa është nënshkruar dje me 30 qershor.

-Advertisement-

Sipas detajeve të kontratës tenderi pa iu nënshtruar konkurrencës iu dha kompanisë “EUROKOS HOLDING” SH.P.K.

Vlera e kontratës është saktësisht 2,999,628.18, bazuar në njoftimin e Ministrisë së Infrastrukturës të publikuar në platformën e-prokurimi.

Zyra e Kryeministrit të Kosovës ka njoftuar se sot do të vendoset edhe gurthemeli i urave në orën 17:30.

 

 

Subscribe në YouTube: GAZETA INFOKUSI
Artmotion fuqizon ragbin në Kosovë, Prishtina mirëpret Turneun Ndërkombëtar “Europe 7’s Conference”
-Advertisement-

Të tjera

Fokusi

fokus