“Kërkohen hetime urgjente nga Prokuroria për rrugën që u privatizua për babain e deputetit, Valon Ramdani: Ka dyshime serioze për keqpërdorim të pronës publike”
Autori: Gazeta inFokus
19:07 | 03 July 2026
Gazetari Shkëlzen Dakaj ka kërkuar nisjen e menjëhershme të hetimeve nga Prokuroria, pas publikimit të hulumtimit të Gazetës Infokus, i cili dëshmon se për herë të parë Agjencia Kosovare e Privatizimit (AKP) ka privatizuar një pronë që rezulton të ketë qenë rrugë publike, duke e transferuar atë në pronësi private përmes procedurës së shitjes me negocim, shkruan Gazeta Infokus.
Sipas hulumtimit të Infokus prona në fjalë është privatizuar në favor të familjarëve të deputetit të Lëvizjes Vetëvendosje, Valon Ramadani, duke mundësuar, qasje në autostradë për një lagje me vila.
Përmes një reagimi publik, Dakaj ka thënë se rasti paraqet një nivel alarmant të keqpërdorimit të pronës publike, duke pretenduar se nuk bëhet fjalë vetëm për privatizim të tokave apo pronave shtetërore, por edhe të rrugëve të shtetit.
“Po flasim për diçka edhe më alarmante: po privatizohen edhe rrugët e shtetit. Në të kaluarën janë privatizuar toka e prona të ndërmarrjeve publike dhe për këtë janë ngritur akuza e ka pasur reagime të shumta. Por sot, nën qeverisjen e Albin Kurtit, kemi mbërritur në një pikë ku po guxohet të transferohen në pronësi private, jo vetëm pronat me pazare të negociuara, por edhe rrugët e shtetit, në funksion të interesave të familjarëve të deputetëve të partisë së tij. A po e kuptoni? E kanë negociuar rrugën për t’ia dhënë privilegjin babait të Valon Ramadanit, që lagjja me vila milionëshe, e ndërtuar nga kjo familje, të ketë qasje në autostradë nga të dyja anët e lagjes!”, ka deklaruar Dakaj.
Ai ka vlerësuar se në këtë rast ekzistojnë dyshime serioze për keqpërdorim të pronës publike dhe cenim të interesit të qytetarëve, duke kërkuar që privatizimet e realizuara me negocim në këtë zonë të hetohen nga organet kompetente.
“Ky është skandal. Këtu ka dyshime serioze për keqpërdorim të pronës publike dhe cenim të interesit të qytetarëve. Privatizimet me negocim në këtë lagje multimilionëshe, ku përfitoi familja e deputetit Valon Ramadani, duhet të jenë objekt i një hetimi të menjëhershëm. Prokuroria e Shtetit ka obligim ligjor të veprojë ex officio”, ka shkruar Dakaj.
Sipas tij, heshtja e institucioneve përballë këtyre pretendimeve do të ishte e papranueshme, ndërsa ka theksuar se prona publike duhet të mbrohet dhe çdo dyshim për keqpërdorim të hetohet deri në fund.
“Heshtja e institucioneve përballë këtyre fakteve do të ishte po aq e rëndë sa vetë veprimet kriminale me këto prona. Prona publike nuk është plaçkë partie. Rrugët e shtetit nuk ndërtohen me paratë e qytetarëve për t’u shndërruar më pas në pronë private të milionerëve të lidhur me pushtetin në të kaluarën dhe të lidhur me pushtetin edhe sot”, shtoi Dakaj.
Ndryshe Gazeta Infokus ka publikuar hulumtimin ku një pronë shtetërore prej 2,524 metrash katrorë, e blerë përmes negocimit direkt nga Hysni Ramadani, babai i deputetit të Lëvizjes Vetëvendosje, Valon Ramadani, rezulton se në pjesën më të madhe të saj është rrugë, trotuar dhe infrastrukturë përcjellëse e një lagjeje private në Ferizaj.
Pas raportimeve se prona ndodhej brenda lagjes luksoze Panorama në Ferizaj, Gazeta Infokus ka kërkuar sqarime nga Drejtoria për Pronë, Gjeodezi dhe Kadastër në Ferizaj për të kuptuar se çfarë ka ndodhur me parcelën pas privatizimit.
Më poshtë mund të gjeni video e plotë nga hulumtimi:
/Gazeta Infokus/

T� tjera
-
Trump fajëson teknologjinë e vjetër për kaosin në aeroportet amerikane: “Pati një sulm në zemër”
Presidenti i Shteteve të Bashkuara të Amerikës, Donald Trump, ka fajësuar paj...
-
Kënga serbe për Kosovën në Bruksel, Rama: S’e di nëse ishte e qëllimshme apo nga padija, por ishte fyerje e rëndë
Kryeministri i Shqipërisë, Edi Rama, kritikoi interpretimin e një kënge nacio...
-
DETAJE TË REJA: Mburreshin për “çmimin e lartë” – del që AKP-ja pronën për babain e Valon Ramadanit e shiti me çmimin më të ulët nga 6 prona në Ferizaj në 2025-ën
Agjencia Kosovare e Privatizimit (AKP), e cila kishte arsyetuar shitjen direk...
-
Pamje të tmerrshme nga tuneli në Lismir: Komuna e Fushë Kosovës akuzohet se e dëmtoi, tani mbushet me ujë sa herë bie shi
Asamblisti i Lidhjes Demokratike të Kosovës (LDK) në Komunën e Fushë Kosovës,...
-
“Kështu është kur mbetesh pa miq e aleatë”, Rrezarta Krasniqi reagon për këngën serbe kundër Kosovës në një forum të BE-së
Ish-deputetja e Lidhjes Demokratike të Kosovës (LDK), Rrezarta Krasniqi, ka r...
-
Gruaja në Bordin e BQK-së e burri në TEB, mbi 127 mijë euro të hyra nga pagat e bonuset e majme
Në Kosovë, një nga vendet më të varfra të kontinentit evropian, të cilën e qe...
-
Presidentja takohet me ambasadoren e Izraelit, në fokus bashkëpunimi mes dy vendeve
Presidentja Justina Shiroka Pula, ka pritur në takim ambasadoren e Izraelit n...
-
KPM nuk miraton rekomandimin për vërejtje ndaj TV Dukagjinit për emisionin “Debat Plus”
Komisioni i Pavarur për Media (KPM), lidhur me rastin e Televizionit Dukagjin...
-
Komisioni Evropian distancohet edhe me “shkrim” për melodinë nacionaliste kundër Kosovës: Na vjen keq për zgjedhjen e grupit muzikor
Komisioni Europian ka shprehur keqardhje për interpretimin e këngës nacionali...
-
Eurodeputeti: Kosova meriton respekt të plotë, meloditë nacionaliste në Forumin e Zgjerimit minojnë frymën e pajtimit rajonal
Deputeti i Parlamentit Europian, Ilhan Kyuchyuk i ka dalë në mbështetje Kosov...
-
26-vjeçarja që u arrestua për drogë me Astrit Haraqijën, motra e ish-kandidates për deputete
Kjo grua që po hyn në objektin e Gjykatës në Prishtinë, është një nga gjashtë...
-
Rama njofton se është anuluar takimi në Athinë për “Prishtina 2030”: Kurti dhe Qeveria duhet të japin llogari
Kryetari i Prishtinës, Përparim Rama ka njoftuar se është anuluar takimi në A...




































