Juristja e të drejtës së medias, Flutura Kusari nderohet me Urdhrin e Meritave të Republikës Federale të Gjermanisë
Autori: Gazeta inFokus 10:55 | 19 March 2024
Flutura Kusari, Juriste e të drejtës së medias është nderuar me Urdhrin e Meritës nga Gjermania, nga Presidenti i Gjermanisë Frank-Walter Steinmeier.
Ky çmim iu dha duke parë përkushtimin e saj të jashtzakonshëm në promovimin e lirisë së medias, shkruan Gazeta Infokus.
“Demokracitë në shumë vende në Europë janë duke u sfiduar dhe tash si asnjëherë më parë është e nevojshmë që të ruhet liria e mediave dhe të mbrohen gazetarët dhe profesionistët e mediave në Kosovë dhe Europë. Çmimi është njohje e punës dhe motiv për të vazhduar aktivizmin. Jashtëzakonisht e nderuar dhe tejet falenderuese”, ka thënë juristja.
Përkrahësja më e madhe e mediave dhe fjalës së lirë, Kusari, u shpreh falënderuese edhe për bursën, Chevening me të cilën iu dha mundësia të studioi për të drejtën e medias.
“Gjithmonë falenderuese për bursën Chevening që për herë të parë ma ka dhënë mundësinë të studioj të drejtën e medias” u shpreh ajo në statusin e saj në facebook.
Në ceremoninë e mbajtur në rezidencën e ambasadorit gjerman në Prishtinë, morën pjesë personalitete të shumta, duke përfshirë ish presidenten Atifete Jahjaga, euro deputeten e Parlamentit Evropian Viola von Cramon, si dhe deputetë dhe përfaqësues të shoqërisë civile.
Ambasadori gjerman, Joern Rohde ishte ai që ia dorëzoi çmimin Kusarit.
Ai ka thënë se Kusari i shërben me përkushtim lirisë së medias dhe demokracisë.
“Urdhri i Meritës për Flutura Kusarin. Duke festuar përkushtimin e saj për lirinë e medias dhe demokracinë në Kosovë dh më gjerë. Përpjekjet e saj të mëdha pranohen nga prania e Atifete Jahjagës dhe Viola von Cramon, deputetë dhe shoqëri civile. Urime dhe vazhdoni punën e shkëlqyer”, ka shkruar ambasadori gjerman.
Kjo u bë e ditur edhe përmes një komunikate për media, sipas të cilës ky nderim i bëhet Kusarit si mirënjohje për kontributin e saj për lirinë e mediave, demokracinë dhe shoqërinë civile në Kosovë dhe më gjerë.
Në komunikatë thuhet se Flutura Kusari njihet gjerësisht si një nga aktivistet më me ndikim të politikave mediatike në Kosovë, duke u vendosur si një figurë udhëheqëse në shoqërinë civile.
“Mbrojtja e saj e palodhshme përfshin mbrojtjen e lirisë së shtypit nga ndërhyrjet politike, sulmet verbale dhe fizike ndaj gazetarëve dhe rastet e Padive Strategjike kundër Pjesëmarrjes Publike (SLAPP). Kritikat konstruktive dhe qasja proaktive e Dr. Kusarit i kanë dhënë asaj reputacionin e të qenit një forcë shtytëse për llogaridhënie brenda qeverisë”- theksohet në komunikatë.
Kujtojmë se Flutura Kusari është juriste e të drejtës së mediave tash e sa vite. Ajo drejton programin e mbrotjes ligjore të Qendra Europiane për Lirinë e Shtypit dhe Medias (ECPMF) dhe punon me organizata ndërkombëtare për përmirësimin e legjislacionit së lirisë së shprehjes./Gazeta Infokus/
Të tjera
-
Ngjarjet e datës 27 prill
Organizuar nga Zyra e Kryeministrit të Kosovës, Komisioni Qeveritar për Perso...
-
Ministria e Jashtme gjermane tregon për takimin me Kurtin
Zyra gjermane për Punët e Jashtme ka komentuar takimin që ka pasur ministrja ...
-
Osmani nesër me nderime te Memoriali për të Pagjeturit dhe për homazhe në Mejë
Presidentja e vendit, Vjosa Osmani, nesër do të bëjë nderime te Memoriali për...
-
Gjiganti zviceran “Lika Group” synon ta zbukurojë Prishtinën
Klanin mund ta kenë inspirim, që në Kosovë të fillojnë një ndërtim. Kompan...
-
Tërmeti me magnitudë 5.8 ballë godet Tajvanin
Një tërmet me magnitudë 5.8 ballë ka goditur Tajvanin. Tërmeti u regjistrua m...
-
Blinken: Kemi parë prova të përpjekjes së Kinës për të ndikuar në zgjedhjet e SHBA
Sekretari amerikan i Shtetit Antony Blinken tha se SHBA ka parë prova të përp...
-
Kurti: Kur vendet autoritare po kërcënojnë me largim, Kosova me meritë kërkon anëtarësimin në KiE
Kryeministri i Kosovës, Albin Kurti nëpërmjet rrjetit social Facebook, ka fol...
-
Ndërron jetë Bojan Tonçiq, gazetari serb që kundërshtoi Millosheviqin për luftën e Kosovës
Në moshën 57 vjeçare ka ndërruar jetë gazetari serb Bojan Tonçiq. Tonçiq d...
-
Abdixhiku në Hamburg këtë fundjavë, paralajmëron dy tubime
Kryetari I LDK-së, Lumir Abdixiku ka njoftuar për agjendën që do ta ketë gjat...
-
Sandulloviq-Hillit: “Duhet t’ju vijë turp nga vetja”
Politikani serb, Nikolla Sandulloviq, e ka postuar një fotografi në platformë...
-
Mbahet ceremonia e lidhjes me internet të shkollës së 100-të në Republikën e Kosovës
Ministria e Ekonomisë, përmes Projektit të Kosovës për Ekonomi Digjitale (KOD...
-
Departamenti amerikan i Shtetit demanton dyshimet e ngritura ndaj Escobarit
Pretendimi i ngritur nga Vudi [Vedat] Xhymshiti se Zëvendës Ndihmës Sekretari...