Sport

Goditje e rëndë për Liverpool, ylli i mbrojtjes duhet të operohet

Autori: Gazeta inFokus 12:59 | 04 February 2019

Në një moment delikat të sezonit, Liverpool merr një lajm të keq, sepse mbrojtësi Joe Gomez do të operohet, për të ndihmuar riaftësimin e gjurit të dëmtuar në dhjetor.

Ylli i kombëtares angleze pësoi një frakturë në fitoren 3-1 që Liverpool arriti në Burnley më 5 dhjetor dhe që atëherë është shpresuar te riaftësim pa qenë nevoja e operacionit.

Gjithsesi, mbrojtësi 21-vjeçar ka munguar më gjatë se 6 javë, ndaj është e nevojshme ndërhyrja kirurgjikale.

-Advertisement-

Klubi ka zyrtarizuar operacionin, por nuk ka vendosur datë kthimi, edhe pse shpresohet që Gomez të luajë sërish këtë sezon.

“Një goditje e rëndë për djaloshin dhe për ne, sepse para dëmtimit ai ishte në formë fantastike. Megjithatë, nuk mund të rrezikojmë, duhet të mendojmë për të tashmen dhe të ardhmen, ndaj Gomez do të operohet dhe do të kthehet kur të jetë gati”, tha Klopp pas lajmin për operacionin e planifikuar.

Gomez ka luajtur 13 ndeshje kampionati këtë sezon, si dhe ka luajtur 5 ndeshje në Champions League, duke u bërë edhe titullar tek Anglia.

Subscribe në YouTube: GAZETA INFOKUSI