“E tmerruar si nënë dhe deputete”, Kica-Xhelili pyetje ndaj qeverisë, Kuvendit e shoqërisë civile për dhunimin e 11 vjeçares
Autori: Gazeta inFokus 18:02 | 29 August 2022
Deputetja Doarsa Kica Xhelili ka thënë se është e tmerruar, si nënë dhe si deputete, për rastin e dhunimit të vajzës 11 vjeçare nga pesë meshkuj në Prishtinë, raporton Gazeta Blic.
Përmes një postimi në Facebook, ajo ka thënë se është ferr në vete të zgjohesh çdo ditë me frikën se fëmija yt mund të dhunohet
Ajo ka shtruar pyetje legjitime ndaj vetvetes, deputetëve tjerë, qeverisë, shoqërisë civile, organizatave që merren me mbrojtjen e të miturve dhe secilit qytetar të Republikës së Kosovës, se “çfarë po ndodhë? Çka po bëjmë e çka nuk po bëjmë?”
Postimi i saj i plotë:
Një i mitur i vetëm i dhunuar është tashmë një më shumë se që kemi guxuar ta lejojmë.
Çdo ditë, zgjohem pranë vajzës sime. Kur jam me të, mendoj për të ardhmen e saj e kur jam larg saj, për sigurinë e saj.
Tani, të kemi nevojë të zgjohemi çdo ditë me frikën se fëmija ynë mund të përdhunohet është ferr në vete. Është përtej frikës. Të tjetërson. Të zgjon ndjenja monstruoze ndaj sulmuesit.
Jam absolutisht e skandalizuar nga rasti i sotëm ku dyshohet për përdhunimin e 11 vjeçares nga disa persona. Si nënë, jam e skandalizuar. E tmerruar. Jam e shqetësuar përtej mase për këtë rast dhe çdo rast (aspak të rrallë së fundmi) të dhunimeve. As nuk mund ta paramendoj si ndjehen prindërit e saj.
Si deputete, jam po aq e skandalizuar sa kam nevojë të reagoj. Të mos bëj vetëm status që harrohet brenda 24 orësh. Të shtroj pyetje legjitime ndaj vetvetes, deputetëve tjerë, qeverisë, shoqërisë civile, organizatave që merren me mbrojtjen e të miturve dhe secilit qytetar të Republikës së Kosovës.
Çfarë po ndodhë? Çka po bëjmë e çka nuk po bëjmë?
Dikush një ditë më tha, “po shtohen” rastet. Të them të drejtën, mendoj që nuk po shtohen sa, në fakt, po bëhen publike tanimë. Do të doja të besoj që po vetëdijesohemi për rëndësinë e thyerjes së tabuve dhe ti trajtojmë si kriminel ata që në fakt janë të tillë. Përdhunuesit.
Normimi dhe sanksionimi i veprave penale është botë në vete. Sanksionet nuk vijnë pa analiza shumë të thukëta e të thella të sistemeve dhe rolit që sanksionet kanë në parandalim, e më pas integrim e edukim. Në shumë sisteme, sanksionet penale pavarësisht natyrës sanksionuese, nuk shihen si metodat optimale e të vetme të uljes së kryerjes së veprave penale. Ato e kanë të domosdoshme të bashkëveprojnë me institucione e veprimtari tjera parandaluese.
Atëherë, shtrojmë pyetjen, marrë parasysh elementet tona sociale, ekonomike e kulturore, çka po na mungon?
A janë, realisht, sanksionet të pamjaftueshme? A janë rastet e dështuara të ndjekjes penale në fakt shtytës negativ? A është kohëzgjatja e ndjekjes penale? Kohëzgjatja e procedurave?
Apo është arsimi jo i mirëfilltë? Edukimi seksual? Edukimi i të rinjve mbi pasojat e veprave penale? Thyerja e tabuve mbi diskutimet e hapura rreth këtyre temave?
Kosova duhet URGJENTISHT të krijoi grupe ekspertësh nga të gjitha fushat që mund t’i kontribuojnë diskutimit të mirëfilltë rreth mekanizmave kyç preventues, edukues e sanksionues që i përgjigjet të gjitha pyetjeve të mësipërme, dhe këtu të përfshihet spektri politik.
Probleme mund të kemi shumë, por e kemi OBLIGIM PRIMAR mirëqenien e fëmijëve tonë.
Nuk guxojmë të lejojmë të lëndohet fëmija i askujt. Absolutisht askujt!
Të tjera
-
Rama reagon pas takimit me shqiptarët në Athinë: Faleminderit nga zemra, hapim një kapitull të ri vëllazërimi me Greqinë
Kryeministri Edi Rama përmbylli ndalesën e parë të rrugëtimit në komunitetet ...
-
Falsifikimi i euros, Banka e Shqipërisë apelon tek qytetarët për kujdes
Monedha kombëtare në qarkullim, në fund të vitit 2023, arriti në 408 miliardë...
-
Sveçla shfaqet duke lundruar në Ujman
Ministri i Punëve të Brendshme, Xhelal Sveçla këtë të diel ka lundruar në Liq...
-
Kurti flet për projekte infrastrukturore: Do kontribuojnë në lidhjen e shqiptarëve
Kryeministri Albin Kurti, ka folur dje në Prizren për projekte infrastrukturo...
-
Haradinaj: Rahoveci e dëshmoi kontributin ndaj Atdheut përmes shumë luftëtarëve të zotë, sa që edhe historia do të rrëfejë për ta
Kryetari i Aleancës për Ardhmërinë e Kosovës (AAK), Ramush Haradinaj, ka marr...
-
Qyteti me më së shumti milionerë
Nju Jorku është shtëpia e afro 350.000 milionerëve, më shumë se çdo qytet tje...
-
Shqipëria ka nevojë për 50 mijë punonjës gjatë sezonës turistike
Turizmi është sektori që ka nevojë për më shumë punonjës në Shqipëri. Sipas k...
-
Kurti bëri homazhe te varri i heroit, Agron Rrahmani
Kryeministri i Republikës së Kosovës, Albin Kurti, bëri sot homazhe dhe vendo...
-
Takimi në Bruksel nuk do të zhvillohet nesër por gjatë javës së ardhshme
Që nga sot [12 maj], valuta e euros do të jetë e vetmja që lejohet për kryerj...
-
Jahjaga e takon ish-kryeministrin spanjoll, flasin për integrimin e Kosovës në strukturat euroatlantike
Ish-presidentja e Kosovës, Atifete Jahjaga, gjatë qëndrimit të saj në Madrid,...
-
Kurti: Vrasja e Agron Rrahmanit ishte goditje e rëndë për rezistencën e armatosur të Kosovës
Kryeministri i Kosovës Albin Kurti, sot ka bërë homazhe tek varri i dëshmorit...
-
Revista argjentinase “Lagunas” shkrun për Shqipërinë: Destinacioni më i mirë për 2024
Shqipëria si një destinacion turistik vijon të bëjë jehonë në mediat e huaja....