Fokus

E mbijetuara e kancerit të gjirit ka një mesazh për gratë që përballen me sëmundjen: Mos u izoloni, kërkoni mbështetje

Autori: Gazeta inFokus 20:17 | 14 Tetor 2026

Përballja me kancerin e gjirit është një sfidë jo vetëm fizike, por edhe emocionale. Për këtë ka folur një grua që e ka mposhtur këtë sëmundje, duke ndarë përvojën e saj dhe duke dhënë një mesazh për gratë që po kalojnë nëpër të njëjtën sfidë.

Në një rrëfim për emisionin “Doktor Plus” në Gazetën Infokus, ajo ka theksuar rëndësinë e mbështetjes psikologjike, komunikimit me persona që kanë kaluar përvoja të ngjashme dhe këshillimit me mjekët.

“Kur kanë probleme të këtij lloji, është mirë që të bisedojnë, qoftë me psikologun, qoftë me dikë që ka kaluar nëpër të njëjtën përvojë, por jo me dikë që ua bën jetën zi. Është e rëndësishme të bisedojnë dhe të marrin këshilla”, është shprehur ajo.

-Advertisement-

Sipas saj, përveç këshillave mjekësore, një rol të rëndësishëm mund të luajnë edhe shoqatat që mbështesin gratë e prekura nga kanceri i gjirit.

“Pse të mos shkojnë në shoqatë, ku të paktën për një orë mund t’i harrojnë gjërat nëpër të cilat kanë kaluar dhe të ndajnë përvojat e tyre me gra të tjera?”, ka thënë ajo.

Përmes këtij rrëfimi, ajo ka përcjellë mesazhin se gratë që përballen me kancerin e gjirit nuk duhet të mbeten vetëm me shqetësimet e tyre, por të kërkojnë këshilla profesionale dhe mbështetje nga njerëzit që i kuptojnë.

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

fokus

Ky website përdor cookies. Duke vazhduar përdorimin, ju pranoni përdorimin e tyre.

Privacy policy