Drejtori i AKK-së: Komunat po humbin miliona euro dhe rrezikojnë të mbyllen
Autori: Gazeta inFokus 18:16 | 26 June 2022
Drejtori ekzekutiv i Asociacionit të Komunave të Kosovës, Sazan Ibrahimi, lidhur me padinë që do ta dorëzojnë ndaj ministrisë së Arsimit dhe ministrisë së Shëndetësisë për kontratën kolektive, ka deklaruar se komunat po humbin miliona euro, xhirollogaritë e tyre janë bllokuar e madje disa nga to janë para falimentimit dhe rrezikojnë të mbyllen.
Kjo për shkak se siç thotë Ibrahimi, mësimdhënësit po kërkojnë pagesat që i takojnë me kontratë kolektive.
“Kontratat kolektive janë nënshkruar nga niveli qendror, kurse barra financiare i bie komunave, dhe kjo është duke zgjatur, komunat janë dëmtuar nga buxhetet e veta komunale me miliona euro. Këto miliona, destinimi i tyre ka qenë për investime kapitale, për përmirësimin e jetës së qytetarit. Këto kontrata, komunave iu kushtojnë me miliona euro, ka raste kur xhirollogaria e një komune të madhe në Kosovë ka qenë e bllokuar shkaku i pamundësisë së zbatimit të dispozitave nga kontratat kolektive”.
“Ka raste kur komunat kanë qenë të ballafaquara para falimentimit, për shkak se mjetet financiare kanë qenë me qindra mijëra euro, të cilat menjëherë i kanë ardhur urdhrat për zbatim dhe ka komuna që nëse në një të ardhme të afërt do t’i merren mjetet financiare përnjëherë për të gjitha obligimet që dalin nga kontratat kolektive, atëherë mund të vihet deri të mbyllja e komunave, sepse nuk munden prej buxheteve vetanake, komunat e vogla dhe komunat e mesme t’i zbatojnë të gjitha obligimet financiare që dalin nga kontratat kolektive”, ka thënë ai për KP.
Ibrahimi ka potencuar se një nga problematikat më të mëdha është moskomunikimi i nivelit lokal me atë qendror.
“Edhe në takimin e fundit të komisionit të granteve, takim i cili është mbajtur para disa muajve, përfaqësuesi i AKK-së, Sokol Haliti, e ka ngritur këtë shqetësim, mirëpo kërkesa jonë ka hasur në vesh të shurdhër. Niveli qendror nuk po dëshiron t’i përkrahë komunat sa i përket zbatimit të këtyre kontratave kolektive, edhe pse janë nënshkrues të këtyre kontratave”, shtoi ai.
Në anën tjetër, Ibrahimi ka kërkuar që barra financiare të merret nga ministria e Arsimit dhe ajo e Shëndetësisë, ngase siç thekson ai, të dyja këto dikastere janë nënshkruese të këtyre kontratave.
Të tjera
-
Ish-ambasadori i Shqipërisë: Asociacioni, kusht që nuk lidhet me Këshillin e Evropës
Ish-ambasadori i Shqipërisë në Kosovë, Arben Çejku, ka thënë se vendosja e As...
-
Momenti kur Edi Rama i përkulet shqiptarëve në Greqi
Në një fjalim të mbajtur në Athinë, kryeministri i Shqipërisë, Edi Rama, mori...
-
Ja kur pritet të hapet pishina e Gërmisë
Stina e verës po afron, ndërsa për qytetarët e kryeqytetit, Pishina e Gërmisë...
-
“I vdiq djali përpara…”- Halil Kastrati rrëfen historinë prekëse me ish-ushtarin e UÇK-së!
Humanisti i njohur, Halil Kastrati, në një intervistë dhënë për dokumentarin ...
-
Çejku: Presidentja Davkova, e pamatur në shmangien e emrit kushtetues të Maqedonisë së Veriut
Arben Çejku, drejtor ekzekutiv i Qendrës për Qeverisje të Mirë tha për Zërin ...
-
Nesër takohen Kurti e Krasniqi, në tavolinë dy tema
Kryeministri Albin Kurti do të presë të hënën në takim kryetarin e Partisë De...
-
Sveçla dhe Hoxha vizitojnë policin që u plagos gjatë intervenimit në një vjedhje në Kishën e Zllakuqanit
Ministri i Punëve të Brendshme, Xhelal Sveçla dhe Drejtori i Policisë së Koso...
-
Rama reagon pas takimit me shqiptarët në Athinë: Faleminderit nga zemra, hapim një kapitull të ri vëllazërimi me Greqinë
Kryeministri Edi Rama përmbylli ndalesën e parë të rrugëtimit në komunitetet ...
-
Falsifikimi i euros, Banka e Shqipërisë apelon tek qytetarët për kujdes
Monedha kombëtare në qarkullim, në fund të vitit 2023, arriti në 408 miliardë...
-
Sveçla shfaqet duke lundruar në Ujman
Ministri i Punëve të Brendshme, Xhelal Sveçla këtë të diel ka lundruar në Liq...
-
Kurti flet për projekte infrastrukturore: Do kontribuojnë në lidhjen e shqiptarëve
Kryeministri Albin Kurti, ka folur dje në Prizren për projekte infrastrukturo...
-
Haradinaj: Rahoveci e dëshmoi kontributin ndaj Atdheut përmes shumë luftëtarëve të zotë, sa që edhe historia do të rrëfejë për ta
Kryetari i Aleancës për Ardhmërinë e Kosovës (AAK), Ramush Haradinaj, ka marr...