Çantat e rënda, tri shkolla në kryeqytet bëhen me dollapë metalikë
Autori: Gazeta inFokus 15:11 | 25 February 2023
Problemi i çantave të rënda të fëmijëve të ciklit të ulët fillor duket se më në fund po merr një zgjidhje në kryeqytet. Kjo pasi Komuna e Prishtinës ka filluar të vendosë dollapët prej metali në shkollat e kryeqytetit, ndërkohë që, synon që brenda mandatit katërvjeçar të përfshijë të gjitha shkollat.
Drejtoresha e Arsimit në komunën e Prishtinës, Besianë Musmurati ka thënë për KosovaPress, se këta dollapë do të jenë mjaft efektivë për nxënësit dhe se ata më nuk kanë nevojë që t’i bartin me vete çantat.
Sipas saj, komuna ka investuar në cilësi të dollapëve, të cilët janë metalikë dhe mbyllen me çelës dhe kostoja e tyre është më e lartë se dollapët e tjerë.
“Deri më tani kemi pajisur dy prej shkollave më të mëdha të Prishtinës me dollap, edhe një shkollë tjetër ‘Naim Frashëri’, ‘Ismail Qemaili’ dhe shkollën ‘Hasan Prishtina’, ndërsa pritet gjatë këtij mandati të pajisim të gjitha shkollat me dollapë metalikë të cilat shërbejnë për nxënësit e klasës 1 deri 5… Kjo është efektive pasi që kemi pasur kërkesa prej prindërve të Prishtinës që kanë pasur telashe shumë të mëdha, sepse çantat e tyre kanë qenë të rënda.
Sipas një studimi që e ka bërë shkolla ‘Elena Gjika’, çanta e një nxënësi të klasës së parë deri në klasën e pestë ka peshu mesatarisht 4,5 kilogramë, kjo është mbi mesataren e rekomanduar të peshës që mund ta mbajë në krahë nga Organizata Botërore e Shëndetësisë dhe kjo ka shkaktu shumë probleme shëndetësore tek fëmijët siç është dëmtimi i boshtit kurrizor”, ka thënë Musmurati.
Një investim të tillë e kanë mirëpritur prindërit e nxënësve dhe vetë nxënësit.
Dollapët e metalit sipas prindit Ardit Krasniqi, ishin shumë të nevojshëm.
“Vendimi ka qenë shumë i duhur, realisht ka pasur nevojë edhe më herët për dollapë. Ka pas nevojë edhe për gjeneratat e mëhershme, tash duke e marrë parasysh që tash i kemi fëmijët pesha shumë e rëndë dhe ka qenë shumë e nevojshme… Janë disa libra që i duhen vetëm për klasë, ato libra nuk i marrin, zakonisht i vendosnin në dollapët që kanë qenë më herët, realisht numri i tyre nuk ka qenë i mjaftueshëm për të gjithë nxënësit dhe janë detyrua dy nxënës me vendosë librat në një dollap”, ka deklaruar Krasniqi.
Nxënësja e klasës së pestë në shkollën “Naim Frashëri” në Prishtinë, Erëza Dushullovci ka thënë se pesha e çantës ka qenë shumë e madhe dhe se kanë pasur dhimbje të shpinës dhe të krahëve.
“Po ne jemi shumë të kënaqur, sepse ne gjithmonë i kemi bartur shumë libra dhe jemi anku gjithmonë, nga shpina sepse gjithmonë kemi pas dhimbje shpine, për shkak të çantës sepse ka pasur shumë libra”, ka thënë ajo.
Të njëjtin problem e ka pasur edhe nxënësi i klasës së pestë, Aris Abazi, për çka është shprehur se ka pasur edhe ndezje të muskujve nga pesha e rëndë.
“Unë jam shumë i kënaqur sepse ne tani mund t’i vendosim ato në dollapë, që kur shkojmë në shtëpi të mos kemi shumë ngarkesa me vete. Kam pasur dhimbje të krahëve, si ndezje të muskujve për shkak të çantës”, ka thënë ai.
Me dollapët metalikë deri më tani janë pajisur tri shkolla fillore në kryeqytet: “Ismail Qemajli”, “Naim Frashëri” dhe “Hasan Prishtina”, ndërkohë që, pritet që edhe shkollat e tjera të furnizohen njëjtë. /kp/
Të tjera
-
Vuçiqit iu kërkua ta heqë flamurin serb pasi u mbështoll me të, refuzoi: Askush s’ma merr atë
Gjatë dhe pas votimit të rezolutës për Srebrenicën, presidenti i Serbisë, Ale...
-
LDK: Votimi i rezolutës për gjeno*idin në Srebrenicë në OKB, është vulë për k*imet e Serbisë
Lidhja Demokratike e Kosovës, ka reaguar ndaj miratimit të rezolutës për Sreb...
-
Vuçiqi bën filma pasi kaloi rezoluta mbi gjenocidin në Srebrenicë, mbështillet me flamurin serb
Presidenti i Serbisë, Aleksander Vucic, sot është munduar që të ofrojë argume...
-
Njihuni me 12 vjeçarin nga Suhareka, i cili kujdeset çdo ditë për dhitë e tij- “Kam shumë qef me i ndihmu familjes”
Në fshatin Duhël të Komunës së Suharekës, jeton 12 vjecari Bislim Graishta, i...
-
Kosova anëtarësohet në Këshillin Evropian për Mjekësi Ligjore
Ministrja e Drejtësisë ka bërë të ditur se Kosova është pranuar pranuar në Kë...
-
Miratohet rezoluta, OKB njeh gjeno*idin serb në Srebrenicë
Me 84 vota pro ka kaluar Rezoluta për Srebrenicën në mbledhjen e Asamblesë së...
-
Dy të lënduar në aksidentin e réndé në rrugën Fushë Kosovë-Prishtinë
Një aksident i rëndë trafiku ka ndodhur në rrugën Fushë Kosovë – Prishtinë, e...
-
Rrokulliset një veturë, aksident i réndé në rrugën Fushë Kosovë-Prishtinë
Një aksident i rëndë trafiku ka ndodhur në rrugën Fushë Kosovë – Prishtinë. ...
-
Specialja merr vendimin për vazhdimin e paraburgimit për Pjetër Shalën
Në Dhomat e Specializuara të Kosovës (DhSK) në Hagë është marrë vendim për va...
-
Nis bashkëpunimi serioz dhe strategjik midis Comodita dhe JYSK International
Në ambientet e fabrikës Comodita, kanë qëndruar përfaqësuesit e kompanisë së ...
-
Kurti: Rreziku i një luf*te të re në rajon është real, duam të anëtarësohemi sa më shpejt në NATO
“Ekziston një rrezik real i luftës pasi Serbia është duke krijuar lidhje më t...
-
Zyrtare: Policia e shpall në kërkim Enver Sekiraqën!
Policia e Kosovës, Drejtoria për Hetimin e Krimit të Organizuar dhe Krimeve t...