Avni Dehari: Vjedhja e mostrave është krim, prokurori nuk po ndërmerr asgjë
Autori: Gazeta inFokus 21:21 | 02 March 2023
Babai i Astrit Deharit, Avni Dehari, e ka kritikuar prokurorinë e shtetit se nuk po merr asnjë masë për ta zbardhur rastin e zhdukjes së mostrave të djalit të tij, i cili kishte vdekur në burgun e Prizrenit në rrethana të dyshimta.
Ai tha se e ka përjetuar mjaft rëndë lajmin për zhdukjen e mostrave, teksa ka thënë se ky krim duhet të zbardhet sa më shpejt.
“Vjedhja është bërë në laborator, ky është rast i rëndë, është krim. Prokurori në vend që të marrë masa e të angazhohet më tepër, e dërgon si çdo herë nuk ndërmerr asgjë”, ka thënë ai.
Avni Dehari, tha se lajmin për zhdukjen e mostrave e kanë mësuar nga mediat, teksa shtoi se kjo nuk është hera e parë që mostrat e djalit të tij zhduken apo dëmtohen.
“Lajmin e kemi marrë përmes mediave. MD-ja, ka dalë në media dhe përmes tyre e kemi marrë lajmin… Me mostrat është manipuluar që nga fillimi. Në ekspertizën e Zvicrës është bërë një varg vërejtjesh se provat janë dëmtuar. Për rastin e thonjve, ajo është dërguar e zbrazët… Edhe kjo është zhdukje e mostrave. Tash është bërë zhdukje e mostrave, mendoj se kjo është bërë me qëllim nga të njëjtit njerëz që nga fillimi i kanë dëmtuar mostrat tash i kanë vjedhë. Prokurori duhet ta zbardhë këtë rast”, ka thënë ai.
Tutje ai, e ka kritikuar edhe ish-drejtorin e Klan Kosovës, Baton Haxhiu, i cili në ditën e vdekjes së Astrit Deharit, i kishte publikuar pamjet nga burgu ku kishte ndërruar jetë ai.
“Rasti i Astritit, thjesht është shndërruar nga fillimi në një telenovelë, ky është akti më kulminant i kësaj telenovele. Pas vdekjes së Astritit, menjëherë incizimet janë publikuar në Klankosova, Baton Haxhiu, i ka shfaqur padrejtësisht për publikun. Po them padrejtësisht sepse ende pa i hetuar organet, që është dashur t’i kenë në dorë, ato kanë dalë publikisht. Nuk lejohet për një rast që është në fillim të hetimeve, të dalë rasti publikisht. Ai vetë kishte mëdyshje, kishte thënë t’i shfaqë apo të mos i shfaqë”, ka thënë ai.
Kritika ai ka pasur edhe për ish-prokurorin Sylë Hoxha, për të cilin tha se po tenton vazhdimisht ta manipulojë publikun.
“Ka pasur shumë manipulime për këtë rast, përpos ekspertëve ligjor të Kosovës, ka pasur edhe ekspertët me kërkesën tonë. Prokurori Sylë hoxha, manipulon në TV dhe thotë që ekspertët e pavarur ligjor kanë qenë korrekt dhe na kanë përgëzuar për punën e mirë që kemi bërë. Por, asniher nuk thotë që ata kanë sjellë një përfundim tjetër, nga këta të Kosovës”, ka thënë ai.
Avni Dehari, e përmendi edhe ish-ministren e Drejtësisë, Dhurata Hoxha, e cila sipas tij ka bërë kërkesë që të lëshohet urdhër-arrest, për ekspertët ligjor të familjes Dehari dhe për avokatin e tyre.
“Ministrja e atëhershme Dhurata Hoxha, po a nuk i shkon ndërmend pse Dhurata Hoxha lëshoj fletarrest për arrestimin e dy ekspertëve ligjorë, Besim Latifaj, Besim Ymaj dhe avokatit tonë Tomë Gashi. Pse nuk sollëm një përfundim të njëjtë sikurse të IML-së në Kosovë”, ka thënë ai.
Babai i Astrit Dehari, tregoi që asnjëherë nuk është kontaktuar nga asnjë prokurorë për t’u pyetur apo informuar rreth rastit.
“Asnjëherë as prokurori i parë e i dytë nuk na kanë kontaktuar neve asnjëherë. E kuptoj që ata mund të komunikojnë me avokatin, por është e rëndësishme që edhe me prindërit e fëmijës të marrin mendim. Me kërkesën tonë kur kemi qenë me Afrim Gashin, aq ftohtë dhe me përbuzje na shikonte, pse dilnim në media. Nëse prokurori e kryen punën korrekt dal e them se jam i kënaqur në media”, ka thënë ai.
Të tjera
-
Rexhepi në Katar adreson çështje të rëndësishme për familjen, arsimin dhe jo-diskriminimin
Zëvendëskryeministrja e Republikës së Kosovës, Emilija Rexhepi, prezantoi fja...
-
Hovenier pret Berishën: Diaspora në SHBA, partner esencial për mbështetjen e Kosovës si shtet sovran
Ambasadori i SHBA-së në Kosovë, Jeff Hovenier, ka pritur në ambasadë kryetari...
-
Ministri Krasniqi takohet me shefen e zyrës së KiE në Kosovë: Kosova i ka plotësuar kushtet për anëtarësim
Ministri për Administrimin e Pushtetit Lokal, Elbert Krasniqi, sot ka zhvillu...
-
“Vala” pa valë
Qytetarët konsumatorë të telefonisë mobile të operatorit "Vala" në ditët e fu...
-
Kurti nderon dëshmorët e kombit në Gjakovë
Në kujtim dhe në nderim të sakrificës dhe të gjakut të derdhur për liri, krye...
-
Ministrja Hajdari ‘nuk bëhet rehat’ me Sekretar të Përgjithshëm, shkarkon Latifajn, ja kë e emëron në vend të tij
Ministrja e Industrisë, Ndërmarrësisë dhe Tregtisë, Rozeta Hajdari, nuk po bë...
-
Sekuestrohen 25 motoçikleta në Pejë
25 motoçikleta janë sekuestruar nga policia në Pejë. Sipas njoftimit të po...
-
Gjenden të vdeküra dy ukrainase në Tiranë
Më 10.05.2024, rreth orës 13:35, në Rrugën e Dibrës, në banesë, janë gjetur n...
-
Arrestohen dy serbë në Jarinje
Dy serbë janë arrestuar të premten në pikën kufitare në Jarinje. Informaci...
-
Kërkohet paraburgim për policin i cili për 6 muaj ngacmoi sek *ualisht vajzën e mitur
Prokuroria Themelore në Gjakovë, ka kërkuar 30 ditë paraburgim për zyrtarin p...
-
E frikshme në Shën Petersburg, autobusi me 20 pasagjerë “zhytet” papritur në lumë/Pamje
Një ngjarje e rëndë është regjistruar në Shën Petersburg të Rusisë, kur një a...
-
Ambasada italiane përgëzon qeverinë për lehtësimin e procedurave për konvertimin e patentë shoferëve
Ambasada e Italisë në Prishtinë, ka përgëzuar Qeverinë e Kosovës për lehtësim...