Analistët: Plani franko-gjerman është më afër qëndrimeve të Kosovës
Autori: Gazeta inFokus 09:35 | 12 December 2022
Propozimi i përditësuar franko-gjerman për normalizimin e marrëdhënieve Kosovë- Serbi, nuk mund t’i nënshtrohet ndonjë analizë të mirëfilltë, pasi i njëjti nuk është bërë publik. Kështu vlerësojnë njohës të rrethanave politike në vend, duke shtuar se nuk mund të quhet as i “ dëmshëm” për vendin meqë edhe qëndrimi i BE-së është më i përafruar me atë të Kosovës.
Proceset e ndjeshme ndërkombëtare të bisedimeve në përgjithësi zhvillohen nën vellon e sekretit. I këtij lloji është edhe plani franko-gjerman. Kështu thotë njohësi i rrethanave politike në vend, Demush Shasha, për Radio Kosovën. Megjithatë, bazuar në qëndrimet e palëve të përfshira në dialogun Kosovë-Serbi, Shasha detekton disa gjëra.
“E para po shihet që propozimi është më shumë në favorin e Kosovës e më pak në favorin e Serbisë. E them këtë, sepse zoti Kurti ka deklaruar se është një propozim i mirë pasi që flet për vlera,përparime universale”, thotë Shasha për Radio Kosovën.
“Pra, flet për gjëra siç është njohja e ndërsjellë ndërmjet palëve për sa i përket sovranitetit, integritetit territorial të dy palëve”.
Sipas tij, këto janë konceptet universale që shkojnë në thelb të heshtjeve politike ndërmjet Kosovës dhe Serbisë.Analisti Shasha e mbështet këtë mendim edhe me argumentin shtesë duke thënë se presidenti serb, Aleksandër Vuçiq, e ka cilësuar planin franko-gjerman si problematik për Serbinë derisa është kundërpërgjigjur me një dokument jo-zyrtar serb ku kanë shpjeguar pikat kyçe të mos-dakordimit.
Më tej, ai thotë se edhe qëndrimi i Bashkimit Evropian është më i përafruar me atë të Kosovës.“Ne pamë deklaratën e z. Lajçak kur ai nënvizon se renditja ose hierarkia e negociatave është që tani palët duhet të fokusohen në propozimin franko-gjerman”, thotë ai.
“ Dhe, kjo është në përputhje me atë çfarë thotë z. Kurti.
Nuk është në përputhje me atë çfarë thotë z.Vuçiq. Z.Vuçiq nuk thotë se në rend dite është propozimi franko-gjerman”, shpjegon analisti Shasha.“ Ai thotë se në rend dite janë zbatimi i marrëveshjeve që presin zbatim që 10 vite”.
Njohësi i rrethanave politike, Dorajet Ymeri, thotë se në propozimin e përditësuar franko-gjerman mund të jenë përfshirë komentet e palëve të përfshira në dialog.
“Me gjasë liderët e Kosovës dhe Serbisë kanë pasur një komunikim me Bashkimin Evropian, përkatësisht me ata të cilët e kanë draftuar një projekt të tillë dhe me gjasë këto komente kanë mundur të inkorporohen”, deklaron Ymeri për Radio Kosovën.
Ai thotë se nuk është e mundur të bëhet ndonjë analizë e mirëfilltë për këtë propozim meqë detajet nuk janë bërë publike , madje as në versionin e parë të këtij dokumenti.
Të tjera
-
Togerja e Policisë së Kosovës fiton çmim ndërkombëtar për shërbim në komunitet
Togerja në Policinë e Kosovës, Antigona Çitaku – Dibrani, ka fituar çmimin nd...
-
Skepticizëm nëse Kurti do t’i sigurojë votat për Kodin Civil
Deputetë të Lëvizjes Vetëvendosje nuk kanë ndryshuar qëndrim për Kodin Civil,...
-
Mehaj vlerëson se institucionet kanë bërë “punë modeste” për argumentimin e gjenocidit serb
Ish-Ministri i Mbrojtjes, Armend Mehaj, ka folur për punën e institucioneve t...
-
Familjarët e të zhdukurve përgatiten ta padisin Serbinë në Strasburg
Familjarët të cilëve u janë zhdukur më të dashurit e tyre, po përgatiten ta p...
-
Mesiq: Vuçiq si Millosheviqi, “Serbia e Madhe” nuk do të ndodhë
Ish-presidenti i Kroacisë, Stjepan Mesiq, ka evokuar kujtime nga koha kur ai ...
-
Objekti i vjetër i QKMF-së në Fushë Kosovë “vërshohet” nga qentë endacak, komuna thotë se do ta zgjidhë problemin në vitin 2025
Qentë endacak prej kohësh kanë gjetur një strehë të sigurtë në Fushë Kosovë. ...
-
OVL-UÇK në Gjakovë i reagon asamblistes së VV-së Mimoza Shala: Largoni duart nga dëshmorët
OVL-UÇK në Gjakovë ka reaguar ndaj deklaratës së asamblistes së VV-së, Mimoza...
-
Wall Street Journal: Agjencitë amerikane të zbulimit thonë se ndoshta Putini s’e ka urdhëruar vrḁsjen e Navalnyt
Sipas një artikulli të gazetës ‘Wall Street Journal’ të publikuar të shtunën,...
-
Ahmeti: Nuk vendos Mickoski a shkon BDI-ja në opozitë
Kryetari i Bashkimit Demokratik për Integrim (BDI), Ali Ahmeti, ka thënë se n...
-
Rrëfimi për mḁsakrën e Rezallës: “M’u qetësua shpirti kur e gjetëm trupin e babait”
Shumë net pa gjumë, vuajtje e mërzi e shoqëruan Shaban Deliun, derisa u ident...
-
Paralajmërimi i ministrit gjerman: Qëllimi i Putinit nuk është Ukraina por Evropa
Gjermania do të vazhdojë mbështetjen e saj për Ukrainën dhe do të kundërshtoj...
-
Rrëfimi i Menduh Thaçit: Gjeneralit të NATO-s dhe ambasadorit amerikan u kërkova ndihmë me lot
Kreu i PDSH-së, Menduh Thaçi, në një intervistë për LIBERO ka rrëfyer për vit...